"მანჩესტერ იუნაიტედის" მთავარი მწვრთნელი, დევიდ მოიესი აცხადებს, რომ იგი მზადაა "გუდისონ პარკზე" სტუმრის რანგში ჩასვლისთვის.
შეგახსნებებთ, რომ პირველ დაპირისპირებაში "იუნაიტედსა" და "ევერტონს" შორის მოიესს "კანფეტების" ფანები უსტვენდნენ. ამ გზით გულშემატკივრებმა უკმაყოფილება გამოხატეს იმის გამო, რომ მოიესმა მარუან ფელაინი იყიდა ლეიტონ ბეინსის გადაბირებას ცდილობდა.
მოიესი მზადაა ოდესღაც მშობლიური გულშემატკივრების წინ გასასვლელად და მათგან კრიტიკისა და ქარცეცხლის ატანას.
"ვფიქრობ ეს განწყობა ჩემდამი წარმოიშვა იმის გამო, რომ ჩვენ მათი ფეხბურთელების ყიდვას ვცდილობდით. მეორე მხრივ კი მე უბრალოდ იმ საქმეს ვაკეთებ, რომელიც "მანჩესტერ იუნაიტედს" წაადგება."
"იმედი მაქვს დროსთან ერთად ყველა იფიქრებს, რომ ნამდვილად კარგი პერიოდი იყო "ევერტონის" ისტორიაში. ისინი რეგულარულად იკავებდნენ ადგილს პირველ შვიდეულში და არ დაგავიწყდეთ, რომ ჩემპიონთა ლიგაზე ჩვენც გავედით."
"მოთამაშეებისგან მუდმივად ვიღებ შეტყობინებებს, კონტაქტი გვაქვს. მესმის, რომ გულშემატკივრები საკუთარ გუნდს დაუჭერენ მხარს, მაგრამ ეს ჩემი მატჩი არაა, ეს ორი გუნდის შეხვედრაა." - ციტირებს მოიესს Daily Star.