"მანჩესტერ იუნაიტედის" ესპანელი ნახევარმცველი, ხუან მატა დარწმუნებულია, რომ მისი კლუბის მომავალი ნათელი იქნება.
მიმდიანრე სეზონი ძალიან წარუმატებელია "წითელი ეშმაკებისთვის", რისი საზღაურიც მომდევნო სეზონში ჩემპიონთა ლიგაზე არ ყოფნა იქნება. თუმცა 25 წლის ესპანელი დარწმუნებულია, რომ ყველაფერი მალევე გამოსწორდება.
"ვიცოდი, რომ ეს რთული 6 თვე იქნებოდა. ჩემს გადმოსვლამდეც ცუდი მდგომარეობა იყო, ამიტომაც მესმოდა, რომ არ მივდიოდი კლუბში, რომელიც სულ იმარჯვებს, იმარჯვებს და იმარჯვებს. მაგრამ ასევე მესმოდა, რომ ეს კლუბი აღდგება და მისი მომავალი ნათელია."
"როცა "ჩელსიში" ჩემს მდგომარეობას მივაღწიე და აღარ ვთამაშობდი, ყველა, ვისაც კი ვეკითხებოდი მპასუხობდა:"დიახ, შესაძლოა "იუნაიტედი" არ ატარებს კარგ სეზონს, მაგრამ ის ჯერ კიდევ "მანჩესტერ იუნაიტედია".
"ეს არაა ის კლუბი, რომელიც ერთხელ ჩნდება ჩემპიონთა ლიგაზე, ეს არაა ის კლუბი რომელსაც ტოპ-კლუბს ვერ უწოდებ. "იუნაიტედი" ყოველთვის დარჩება მაღალი დონის კლუბად, ერთ-ერთ საუკეთესოდ მსოფლიოში."
"ამიტომაც თუ ბედმა ერთი წლით ჩემპიონთა ლიგის გამოტოვება გარგუნა, შეგიძლია დარწმუნებული იყო, რომ მომდევნო სეზონში ითამაშებ. ჩემპიონთა ლიგის გარეშეც მოიგებ თასებს, რადგან ასეთია ამ კლუბის ხვედრი."
"ეჭვიც კი არ მეპარება ამის თაობაზე. როცა ხელმღძვანელებს და მწვრთნელს ველაპარაკებოდი მომდევნო სეზონზე, დარწმუნებული ვიყავი, რომ ისინი საჭირო ფეხბურთელებს მოიყვანდნენ."
"მათ იციან და მეც ვიცი, რომ ეს გარდამავალი პერიოდია და ვიცი, რომ ზაფხულში აქ ტოპ-კლასის მოთამაშე მოვა."
"დარწმუნებული ვარ, რომ "იუნაიტედი" აღდგება და ყველა ტიტულისთვის იბრძოლებს. როცა ბავშვი ვიყავი, მაშინაც "იუნაიტედი" ყველა ფრონტზე იბრძოდა და მჯერა ასეთი პერიოდი დაბრუნდება." - ციტირებს მატას სიტყვებს Daily Mirror.