"მანჩესტერ იუნაიტედი" და "ლივერპული" დაინტერესებულნი არიან ბენატიას ყიდვით, რომელიც ამ სეზონში "რომას" საუკეთესო მცველი გახდა.
26 წლის მცველს ბრწყინვალე სეზონი აქვს იტალიაში. იგი გუნდის ლიდერი და უცვლელი წევრი გახდა. სწორედ ამიტომ ბენატიათი პრემიერ ლიგის კლუბები დაინტერესდნენ.
მიუხედავად იმისა, რომ ბენატია იტალიაში თავს კარგად გრძნობს, მის წასვლას მაინც არ გამორიცხავენ. 26 წლის მცველისადმი ინტერესს მხოლოდ პრემიერ ლიგის კლუბები არ იჩენენ, მისი შეძენა ესპანურ "ბარსელონასაც" სურს. შეგახსენებთ, რომ მათ ამ სეზონში სერიოზული პრობლემები აქვთ დაცვაში.
ბენატია "რომას" წინა სეზონში, 12 მილიონ ფუნტად შეუერთდა. მისი სატრანსფერო ფასი კი წელს საკმაოდ გაზრდილია.