"მანჩესტერ იუნაიტედის" პირველ ნომერს იმედი აქვს, რომ ჩავარდნილი სეზონის მიუხედავად, მის გუნდს კვლავ აქვს შანსი მოხვდეს ევროტურნირზე. თუმცა მათთვის ჩემპიონთა ლიგის საგზურისთვის ბრძოლა უკვე დამთავრებულია, რადგან ისინი 9 ქულით ჩამორჩებიან მეოთხე ადგილზე მყოფ "ევერტონს".

იქიდან გამომდინარე, რომ "იუნაიტედის" ხმაურიანმა მეზობლებმა ოთხეულში ადგილი გაინაღდეს, ავტომატურად გაანთავისუფლეს ევროპის ლიგაზე გასვლის ადგილი, რომელიც მათ Capital One Cup-ის მოგებით მოიპოვეს. ასე რომ "წითელ ეშმაკებს" მხოლოდ 6 ქულა სჭირდებათ, რათა უპრობლემოდ გავიდნენ ევროპის რიგით მეორე დონის ჩემპიონატზე.

დევიდ მოესის ბიჭები ერთი პოზიციით და სამი ქულით ჩამორჩებიან მეექვსე ადგილზე მყოფ "დეზებს", რომლებსაც ერთით მეტი მატჩი აქვთ გამართული და საოცრად ცუდი შედეგი აქვთ ბურთების შეფარდების კატეგორიაში.

დე ხეა აცხადებს, რომ მათ ყველა დარჩენილი შეხვედრა უნდა მოიგონ, რათა ევროტურნირზე ასპარეზის უფლება მოიპოვონ. ესპანელი მეკარე მიიჩნევს, რომ "იუნაიტედისთვის" მნიშვნელოვანია პრემიერ ლიგის ცხრილში რაც შეიძლება მაღლა დაიკავონ ადგილი და ამით მოახერხონ "ჩემპიონთა ლიგის ტრვმის გადალახვა".

"ჯერ კიდევ არის რამდენიმე მნიშვნელოვანი მატჩი დარჩენილი." აცხადებს დე ხეა. "ჩვენ "მანჩესტერ იუნატედი" ვართ და ჩვენი ვალია ყოველ მატჩში გამარჯვება მოვიპოვოთ, სადაც კი ვიასპარეზებთ."

"ეს სწორედ ისაა, რის გაკეთებასაც ჩვენ შევეცდებით, რადგან გვსურს რაც შეიძლება მაღლა დავიკავოთ ადგილი პრემიერ ლიგის ცხრილში, რათა მომავალში ვაჩვენოთ, რომ ჩვენი ჩამოწერა არასოდესაა გამართლებული."

ესპანელი კიპერი ასევე აცხადებს, რომ მისმა თანაგუნდელებმა არ უნდა იფიქრონ "ბაიერნთან" მარცხზე და მოახდინონ ფოკუსირება მომავალ დაპირისპირებაზე, სადაც ე.წ 6 ქულიანი მატჩი ელით "ტკბილეულების" წინააღმდეგ.

"რა თქმა უნდა, "ბაიერნთან" მარცხი რთული გადასატანი იყო." აგრძელებს დე ხეა. "ჩვენ ორი კარგი მატჩი ჩავატარეთ, და ცოტაოდენი იღბალის არსებობის შემთხვევაში, მოვახერხებდით მათი ბარიერის გადალახვას. მაგრამ ყოველთვის რთულია "ბაიერნთან" მატჩი, ჩვენ ახლა მხოლოდ წინსვლა გვმართებს."

დე ხეა დასახელებულ იქნა მარტის თვის საუკეთესო მოთამაშედ და აცხადებს, რომ ცუდის სეზონის მიუხედავად, მისი პირადი პროგრესი მაინც თვალსაჩინოა.

"ჩემთვის ეს წელი კარგად წარიმართა და დავამტკიცე, რომ ყოველ მატჩში თუ ვარჯიშზე ახალ გამოცდილებას ვიღებ. მე აგრეთვე სტაბილურად ვხვდებოდი ძირითად შემადგენლობაში, რამაც საბოლოოდ ხელი შემიწყო განვითარებაში. ვიმედოვნებ რომ მომდევნო სეზონი გაცილებით კარგი იქნება, ვიდრე მიმდინარე." დაასრულა დე ხეამ.

წყარო: Mirror