"მანჩესტერ იუნაიტედის" მხარდამჭერ საიტზე გავრცელდა კიდევ ერთი საინტერესო სტატია, რომელიც ამჯერად "იუნაიტედში" მოსვლის შესაძლო კანდიდატს, იურგენ კლოპს ეხება. სტატიის ავტორი Paul Ansorge გახლავთ, მე კი შევეცდები მისი ხედვა თქვენამდე მოვიტანო.

Daily Mirror - ის ჟურნალისტების, დარენ ლიუსისა და მარტინ ლიფტონის ცნობით, იურგენ კლოპი "იუნაიტედისთვის" პრიორიტეტულ ვარიანტად იქცევა, იმ შემთხვევაში, თუ კლუბს დევიდ მოიესი დატოვებს.

Daily Mirror: "იუნაიტედში" სჯერათ, რომ ფეხბურთის აგრესიული ბრენდი და თამაშის პირდაპირი კონტროლი კლუბს იდეალურად ესადაგება"

"იუნაიტედის" სახელს ისეთ სპეციალისტსაც უკავშირებენ, როგორიცაა ვან გაალი, მაგრამ კლოპი საუკეთესო ალტერნატივად ითვლება.

შესაძლოა ჯერ ადრეა იმის განსჯა, ღირდა თუ არა მოიესის დანიშვნა მთავარი მწვრთნელის პოსტზე, მაგრამ აშკარაა, რომ გლეიზერებიც ვერ შეთანხმებულან მის მომავალზე. ერთ-ერთ საიტზე ჩატარებული გამოკითხვების შედეგად ცხადი გახდა, რომ ფანების უმეტესობა ითხოვს მოიესის გაშვებას და მის მიმართ ნდობა შელახულია.

ოქროს ბურთის დაჯილდოებაზე ზლატან იბრაჰიმოვიჩი და იურგენ კლოპი შეხვდნენ ერთმანეთს, სადაც შვედმა აღტაცება ვერ დამალა "ბორუსიას" მიმართ. ეს არაა ერთადერთი შემთხვევა, როცა კლოპი ვინმეს სიმპატიას იმსახურებს, ფეხბურთელებში და გულშემატკივრებშიც იგი დიდი პატივისცემით სარგებლობს.

იურგენ კლოპის შეგირდებმა უამრავ წარმატებას მიაღწიეს, რასაც ნამდვილად ვერ ვიტყვით დევიდ მოიესის ქვეშევრდომებზე. 2010/11 წელს "ბორუსიამ" ბუნდესლიგა მოიგო, მომდევნო წელს გერმანული დუბლი შეასრულა, ხოლო მთელო გასული სეზონის განმავლობაში კი "ბაიერნის" ჩრდილს ამოფარებული დორტმუნდელები გერმანიაშიც და ჩემპიონთა ლიგაზეც მეორე ადგილს დასჯერდნენ.

მართალია მიმდინარე სეზონი არაა საუკეთესო გერმანული კლუბისთვის, მაგრამ ამას თავისი ახსნა აქვს. კლუბი დატოვა მარიო გიოტცემ, ასევე მიდის რობერტ ლევანდოვსკი და გარდა საკადრო პრობლემებისა, კლუბში გაუთავებელი ტრავმებია.

მოსალოდნელია, რომ "ბაიერნი" მომავალ წლებშიც გაამწარებს "ბორუსიას", ამიტომ შესაძლოა ოპტიმალური ვარიანტი იყოს კლოპისთვის "იუნაიტედში" გადასვლა.

შინჯი კაგავასა და სხვა ნიჭიერებზე დაყრდნობით, "ბორუსია" თვალწარმტაც ფეხბურთს თამაშობდა. სწრაფი გადასვლები, დამანგრეველი კონტრშეტევები, აგრესიული თამაში წართმევაზე - "ბორუსიას" თამაშზე უამრავი სტატია იწერებოდა.

კლოპის ერთ-ერთ ღირსებას კრეატიული ფეხბურთელებისგან მაქსიმუმის მიღება წარმოადგენს: "ბორუსია" მუდმივად "წურავდა" გიოტცეს, როისსა და კაგავას.

შეტევაში წარმატებული თამაში, სულაც არ უშლიდა ხელს "ბორუსიას", რომ დაცვაშიც იდეალურები ყოფილიყვნენ. 2010/11 წლებში კლუბმა 34 თამაშში 22 გოლი გაუშვა. მომდევნო წელს 25. მართალია ბოლო ხანებში გაშვებული გოლების სტატისტიკა გაცუდდა, მაგრამ ამასაც ტრავმირებულ ფეხბურთელებს მივაწერთ. თანაც დორტმუნდულ კლუბს უბრალოდ ვერ ეყოლება გრძელი სათადარიგოთა სკამი, რომ რესურსი გამოიყენოს.

ვერავინ მისცემს კლოპს იმის გარანტიას, რომ "ოლდ ტრაფორდზე" წარმატებული იქნება. მას გერმანიის ფარგლებს გარეთ არ უმუშავია, მაგრამ ჩემპიონთა ლიგაზე მისი გამოსვლა, გვაძლევს იმის თქმის საფუძველს, რომ მას არ უჭირს უცხო კლუბებთან ადაპტირება.

ვერ ვიტყვით, რომ კლოპი კარგია ახალგაზრდებთან. მისი კლუბი უმეტესად შედგება ისეთი ფეხბურთელებისგან, ვინც ზრდასრულ ასაკში მოვიდა, მაგრამ ძირითადში არ შედიან აკადემიის კურსდამთავრებულები.

კლოპი ბოლო ორი წლის განმავლობაში ვერ უმკლავდება "ბაიერნს", მაგრამ აქ "რეკორდმაისტერის" ფინანსურ უპირატესობას უნდა გავუსვათ ხაზი.

გასულ სეზონში "იუნაიტედმა" გარისკა და მოიყვანა მწვრთნელად კაცი, რომელსაც არ ჰქონია მაღალ დონეზე მუშაობის გამოცდილება. წელს კი უნდა გარისკოს და ასეთი ქარიზმატული მწვრთნელი მოიყვანონ, რომელიც ჩავარდნილი სეზონის გამოსწორებას ეცდება, რომელიც ასე სჭირდება კლუბსა და მის გულშემატკივარს.

http://bleacherreport.com/