talkSPORT-ის ცნობით, "იუნაიტედმა" უკვე შეათანხმა ყველა დეტალი და უილიამ კარვალიოს 35 მილიონ ევროდ შეიძენს. ნახევარმცველს ხუთწლიან კონტრაქტს გაუფორმებენ. ოფიციალურად კონტრაქტი ზაფხულის სატრანსფერო ფანჯრის გახსნის შემდეგ დაიდება. კარვალიო, რომელიც მსოფლიოს 2014 წლის ჩემპიონატზე პორტუგალიის ნაკრებში იასპარეზებს, დევიდ მოიესის გუნდს ძალიან გამოადგება.

მანჩესტერელთა ხელმძღვანელობა მას მთელი სეზონის განვმალობაში აკვირდებოდნენ. "სპორტინგის" ფეხბურთელით "რეალი", "ლივერპული", "ინტერი" და "მონაკო" ინტერესდებოდნენ. ედ ვუდვორდი და დევიდ მოიესი ეცდებიან სხვა ტრანსფერები მსოფლიოს ჩემპიონატის დაწყებამდე გააკეთონ, რადგან შემდეგ შესაძლოა ფეხბურთელთა ფასებმა საგრძნობლად იმატონ.