როგორც ჩანს ჯეიმს უილსონი პირველ გუნდში თამაშს უმიზნებს.18 წლის ინგლისელი კვლავ აგრძელებს "მანჩესტერ იუნაიტედის" რეზერვებში გოლების გატანას.გუშინ უილსონის ერთადერთი გოლით ახალგაზრდა "წითელმა ეშმაკებმა" მოახერხეს "ტოტენჰემის" დამარცხება და კიდევ ერთი ნაბიჯი გადადგეს "Play-off"-ში სათამაშოდ.

კლუბის ოფიციალური ვებ-გვერდის ჟურნალისტმა ადამ მარშალმა განაცხადა:"მიმდინარე სეზონში ჯეიმს უილსონი შესანიშნავად თამაშობს და ვფიქრობ სულ მალე მას მიეცემა შანსი პირველ გუნდში სათამაშოდ.მან უნდა გააგრძელოს პროგრესირება და სულ მალე დაიმკვიდრებს ადგილს პირველ გუნდში,როგორც ეს ადნან იანუზაიმ მოახერხა.რეზერვებში სხვა მრავალი ნიჭიერი ფეხბურთელია და ვფიქრობ გუნდმა მათ ხელი უნდა შეუწყონ განვითარებაში,სწორედ ისინი არიან მანჩესტერული გუნდის მომავალი."

"მანჩესტერ იუნაიტედის" 21 წლამდელთა გუნდი ამ მომენტისთვის მე-6 ადგილს იკავებს.მათ მხოლდო ორი შეხვედრა დარჩათ ჩასატარებელი და თუ მოახერხებენ დარჩენილი მატჩებს მოგებას,მათ შანსი ექნებათ ითამაშონ "Play-off"-ში და გააგრძელონ ბრძოლა ტიტულისთვის.





წყარო: MUFCLATEST.COM