კოკე ძალიან კარგ სეზონს ატარებს "ატლეტიკოში". 22 წლის ფეხბურთელის დახმარებით გუნდი ჩემპიონთა ლიგის ნახევარ-ფინალში გავიდა. არ არის საკვირველი, რომ დიდი გუნდები მისით დაინტერესდნენ ევროპის მასშტაბით. მათ შორის ყველაზე მეტად აქტიური "მანჩესტერ იუნაიტედია". დევიდ მოიესი აპირებს დახარჯოს დიდი თანხა ზაფხულში და ერთ-ერთი მთავარი სამიზნე კოკეა. "იუნაიტედის" ახლიდან მშენებლობის პროექტში მოიესი აპირებს კოკეც ჩართოს, თუმცა რამდენად სურს ესპანელს ამ კლუბში გადასვლა ჯერ-ჯერობით უცნობია. თუმცა, ფაქტია რომ 22 წლის ფეხბურთელი თავს ბედნიერად გრძნობს "ატლეტიკოში". ცნობისთვის კოკემ იანვარში ახალი კონტრაქტი გააგრძელა მადრიდულ კლუბთან, რომელიც 2018 წლამდე არის გათვალისწინებული. ამიტომაც, ესპანელი ვერანაირ მიზეზს ვერ ხედავს, თუ რატომ უნდა დატოვოს მისი ქალაქი და კლუბი. "ბედნიერი ვარ და არ მინდა დავტოვო კლუბი ახლა. სახლში თავს კარგად ვრგძნობ, სწორედ ამიტომ გავაფორმე კონტრაქტი 2018 წლამდე. გაზეთებში იბეჭდება ჭორები, თუმცა არ ვაპირებ ავყვე რომელიმეს. "ატლეტიკოსთვის" ახლა ისეთი პერიოდია, რომ ამ კლუბის დატოვება არ იქნება კარგი ჩემთვის." - დაასრულა კოკემ საუბარი.