რადგან უკვე გადაწყდა ვიდიჩის "ინტერში" გადაბარგება და რადგან რიო ფერდინანდს კონტრაქტს არ უხანგრძლივებს კლუბი, დევიდ მოიესს მოუწევს მცველის მოძებნა.
მაგრამ, ფილ ჯონსი ამას ყველაფერს არ უშინდება და მისი აზრით, დაცვის ცენტრში ის და მისი თანაგუნდელი სმოლინგი ყველაფერს უპრობლემოდ გაუმკლავდებიან.
"კრისთან ერთად ვთამაშობდი 3 ან 4 წელი ინგლისის ახალგაზრდულ ნაკრებში, ამას დამატებული "იუნაიტედი" და დარწმუნებული ვარ, რომ ჩვენ 2-ს ერთმანეთში ძალიან კარგი ურთიერთგაგება გვაქვს და არ გაგვიჭირდება" - საუბრობს ფილ ჯონსი.
"ძალიან ხშირად ვეუბნებით ერთმანეთს საქებარ სიტყვებს, როდესაც ეძებ ისეთ პარტნიორებს დაცვის ცენტრში, რომლებიც ერთმანეთს ასე გაუგებენ, დარწმუნებული ვარ ჩვენი კანდიდატურა მისაღები უნდა იყოს" - განაცხადა ჯონსმა.
გარდა ამისა, ფილ ჯონსი საუბრობს საკუთარ შეცდომებზე, თუმცა პირობას დებს, რომ მისი მეწყვილე თუ იქნება სმოლინგი, შეცდომების რიცხვი შემცირდება.
"მე ვუშვებ შეცდომებს, ისიც უშვებს, არავინ არის უშეცდომო, თუმცა ჩვენი თანადგომა, ურთიერთგაგება და პარტნიორობა ბევრი დადებითის მომტანი იქნება გუნდისთვის. ვიმედოვნებ, რომ ეს მოხდება და იმედი მაქვს, რომ მენეჯერი დაფიქრდება ამაზე" - განავრცო თემა ფილ ჯონსმა.
საუბრის ბოლოს კი ინგლისელი საუბრობს, თუ როგორ კონკურენტული იქნება გუნდი მომდევნო სეზონიდან და სწორედ ამიტომ, ის აპირებს განაგრძოს პარტნიორობა სმოლინგთან და ასევე ვარჯიში, რომ მიაღწიონ ერთად მაღალ მიზნებს.

წყარო: "სქაისპორტი"