"მანჩესტერ იუნაიტედის" ახალგაზრდა ინგლისელმა ტალანტმა ჯესი ლინგარდმა განაცხადა,რომ ის ყველანაირად შეეცდება გუნდში დაბრუნებას და "ოლდ ტრაფორდზე" ადგილის დამკვიდრებას.მიმდინარე სეზონის მეორე ნახევრიდან 21 წლის ნახევარმცველი იჯარის წესით "ბრაიტონის" რიგებში ირიცხება და ამ მცირე პერიოდში მან მოახერხა ძირითად გუნდში ადგილის დამკვიდრება.

მიმდინარე სეზონის პირველი ნახევარი მან "ბრიმინგემში" გაატარა და მის სადებიუტო შეხვედრაშივე ოთხი გოლის გატანა მოახერხა "შეფილდის" წინააღმდეგ."ბრაიტონში" კი მან სადებიუტო გოლის გატანა ჩემპიონშიპის ლიდერ "ლესტერთან" მოახერხა,ამის შემდეგ კი ბოლო ტურში "ჩარლტონის" კარის აღება შეძლო.

"ჩარლტონთან" მოგებული მატჩის შემდეგ ჯესი ლინგარდმა "Sky Sports"-თან ინტერვიუში განაცხადა:"დავბრუნდე "მანჩესტერ იუნაიტედში" ეს ჩემი მიზანია,რაიან გიგზი კი ჩემი გმირია.პირველ გუნდში ყოფნისას ყოველთვის ვცდილობდი მისგან ბევრი რამ მესწავლა.დრიბლინგი ჩემი ერთ-ერთი პლიუსი და ყოველთვის ვცდილობ ამის დახვეწას."

"ჩემი მიზნის მისაღწევა მე ბევრი შრომა მომიწევს,რათა მთავარი მწვრთნელის ნდობა მოვიპოვო.არენდით სხვა კლუბში ყოფნა ყველა ფეხბურთელს ეხმარება პროგრესირებაში,მე მუდმივი სათამაშო დრო მაქვს და ვცდილობ ეს გამოვიყენო."ლესტერისა" და "ჩარლტონის" წინააღმდეგ მე მოვახერხე თავის გამოჩენა,მაგრამ წინ უფრო მნიშვნელოვანი მატჩებია და ყველანაირად შევეცდები გუნდის დახმარებას პრემიერ ლიგაში გადმოსასვლელად" - დაასრულა ინგლისელმა.

ჯესი ლინგარდს მიმდინარე კონტრაქტი "მანჩესტერ იუნაიტედთან" ამ ზაფხულს ეწურება,მაგრამ როგორც ცნობილი გახდა კლუბიც და ფეხბურთელიც მზად არიან ახალი კონტრაქტის გასაფორმებლად.



წყარო: MUFCLATEST.COM