"მანჩესტერ იუნაიტედის" მცველმა, რიო ფერდინანდმა კლუბთან ახალი კონტრაქტის გაფორმების სურვილი გამოთქვმა.
35 წლის ინგლისელის მოქმედი კონტრაქტი ზაფხულში იწურება. დევიდ მოიესის მოსვლის შემდეგ რიომ ადგილი ძირითადში სხვებს დაუთმო, ამის შედეგი კი მის მიერ ჩატარებული მატჩების უფერულობა იყო.
თუმცა ფერდინანდი სულაც არ აპირებს ბუცების დაკიდებას და კიდევ სურს თამაში "წითელი ეშმაკების" რიგებში.
"მომავალი წლის გეგმები? იმედი მაქვს კიდევ ვითამაშებ - თამაშის გაგრძელების სურვილი მაქვს. ჩემი ფეხბურთით ვტკბები და ჩემი ფეხებიც ჯერ არ მღალატობენ."
"მე გაგრძელება "მანჩესტერ იუნაიტედში" ან სხვაგან მსურს, ეს ყველაფერი კლუბზეა დამოკიდებული. დრო გვიჩვენებს. სეზონის დასასრულს უნდა დაველოდოთ"
"ისე მოვიქცევით როგორც წინა სეზონში. დაველოდებით სეზონის დასასრულს, ყველაფერში გავერკვევით და შეგატყობინებთ"
"მსურს თუ არა "იუნაიტედში" დარჩენა? კი, ეს ჩემი ოცნებაა. ოცნებით ვცოცხლობ და მსურს აქ დარჩენა. ვნახოთ, ყველაფერს ვნახავთ" - ციტირებს ფერდინანდის სიტყვებს BT Sport.