"მანჩესტერ იუნაიტედის" მცველი, ფილ ჯონსი ფიქრობს, რომ მის კლუბს შეუძლია ფული დაზოგოს, თუ მომავალ სეზონში მასა და კრის სმოლინგს მიანდობენ დაცვის ცენტრს.

დიდი ხანია ცნობილია, რომ კლუბს კაპიტანი, ნემანია ვიდიჩი დატოვებს. ალბათ მის ბედს გაიზიარებს 35 წლის რიო ფერდინანდიც.

თუმცა ჯონსი თვლის, რომ მას და კრის სმოლინგს შეუძლიათ ვეტერანების ჩანაცვლება და ახალი ფეხბურთელის მოწვევა სულაც არაა აუცილებელი.

"კრისთან ერთად სამი-ოთხი წელი ვთამაშობდი ინგლისის ახალგაზრდულ ნაკრებში, ასევე "იუნაიტედში" და ვფიქრობ ერთმანეთის შესანიშნავად გვესმის."

"ერთმანეთს ვავსებთ და თუ სხვა ცენტრალური მცველების წყვილს შეხედავთ, დაინახავთ, რომ ისინი იზრდებიან და ძლიერდებიან, ერთად უკეთესად გამოიყურებიან."

"სანამ აქამდე მიხვალ, ბევრ შეცდომას უშვებ - ყველა უშვებს - მაგრამ რაც უფრო დიდხანს თამაშობთ ერთად და რაც უფრო უკეთესად გესმით ერთმანეთის მით უკეთესი ხდება თქვენი წყვილი."

"იმედი მაქვს ჩვენს შემთხვევაშიც ასე იქნება. იმედი მაქვს მწვრთნელს დავუტკიცეთ, რომ ამისთვის მზად ვართ" - ციტირებს ჯონსის სიტყვებს Daily Mirror.

fapl.ru