"მანჩესტერ იუნაიტედი" მზადაა თავბრუდამხვევი წინადადებით მიმართოს "საუტჰემპტონის" ხელმძღვანელობას ლუკ შოუსა და ადამ ლალანას ყიდვის თაობაზე.
როგორც გამოცემა Daily Express გვამცნობს, დევიდ მოიესის ხელში 150 მილიონი ფუნტ სტერლინგია, ასე რომ მოიესი ფულს არ დაზოგავს ამ ორი ინგლისელის შეძენისთვის.
ლუკ შოუ, რომელიც 20 მილიონ ფუნტად, ხოლო ადამ ლალანა - 15 მილიონად არიან შეფასებულნი, შესანიშნავად ატარებენ სეზონს "საუტჰემპტონის" რიგებში, ხოლო ამ სეზონის დასრულების შემდეგ ისინი მუნდიალზე გაემგზავრებიან.
როგორც კლუბთან მიახლოვებული წყაროები გვამცნობენ, კლუბი მზად არის ამ ორი ფეხბურთელის "ოლდ ტრაფორდზე" გადმოსაბირებლად 2014 წლის ჩემპიონატამდე. "ეშმაკუნები" ფიქრობენ, რომ თუ შოუ და ლალანა ამ ტურნირზე გაიბრწყინებენ, მათი სატრანსფერო ფასი აიწევს, ამიტომ მოიესი თავის დაზღვევას აპირებს.
ლუკ შოუს მიმართ სერიოზულ ინტერესს ამჟღავნებს ჩელსიც, მეტიც თავად ფეხბურთელი ბავშვობიდან ლონდონური კლუბის გულშემატკივარია. მაგრამ, გამოცემის თქმით, "იუნაიტედი" ტალანტის ყიდვასთან უფრო ახლოსაა.
წყარო:
http://fapl.ru