ხუან მატას ოფიციალურ Facebook - ის გვერდზე გულშემატკივართა კითხვებისთვის მოუხდა პასუხის გაცემა.
ფაქტია, რომ უკვე შეეწყვეთ "იუნაიტედს". რას გრძნობდით, როცა პირველად გმაოხვედით ახალი კლუბის შემადგენლობაში?
ემოციების მოზღვავებას ვგრძნობდი,. რომლის სიტყვებით გადმოცემაც ძნელია. იმ დღეს "კარდიფს" ვძლიეთ და გულშემატკივართა მხრიდან ნამდვილი სიყვარული ვიგრძენი. ეს იყო გასაოცარი დღე, რომელიც მთელი ცხოვრება მემახსოვრება.
რა შთაბეჭდილება მოახდინა თქვენზე კლუბის მუზეუმში სტუმრობამ?
ყველამ იცის ამ კლუბის ისტორია, მაგრამ როცა მასში ეფლობი და ხედავ თასებსა თუ დამსახურებულ პრიზებს, მაშინ წარმოდგენა უფრო სრული ხდება. ჩემთვის ძალიან მნიშვნელოვანი იყო "მანჩესტერ იუნაიტედის" ისტორიის შესწავლა - კლუბის, რომელსაც ყოველთვის წამყვანი პოზიცია ეკავა ინგლისურ ფეხბურთში"
ვინ ამზადებს უკეთესად - თქვენ თუ დე ხეა?
მემგონი ორივე ცუდად ვამზადებთ (იცინის). მინდა უკეთესი გავხდე ამ საქმეში. მეგობრები მეუბნებიან, რომ საჭმლის მომზადება მაშვიდებს. უფრო მეტი უნდა შევიტყო ამის შესახებ.
ფეხბურთის გარდა რითი ხართ გატაცებული?
ძალიან მიყვარს წიგნების კითხვა და ფილმების ყურება. დასვენების დღეებში მიყვარს სეირნობა და იმ ადგილების გამოკვლევა, რომელიც ჩემი სახლის სიახლოვესაა. შეიძლება ითქვას, რომ ძალიან ცნობისმოყვარე და მრავალმხრივი ადამიანი ვარ.