"მანჩესტერ იუნაიტედის" ლეგენდა, სერ ბობი ჩარლტონი აღფრთოვანებას ვერ მალავს ხუან მატას მისამართით.
იანვარში "წითელმა ეშმაკებმა" ჩელსის" ბოლო ორი სეზონის საუკეთესო მოთამაშე დაიმატეს. ესპანელმა უკვე მოასწრო სამი გოლის გატანა ახალ კლუბში. ბობი ჩარლტონმა ვერ დამალა თავისი აღფრთოვანება ესპანელი ფეხბურთელის "ოლდ ტრაფორდული" კარიერის მიმართ.
"ძალიან მომწონს ხუან მატა. უნდა ვაღიარო როგორც კი პირველად დავინახე ტელევიზორში, მაშინვე მომეწონა, მაგრამ ვერც კი ვიფიქრებდი თუ მის გადმობირებას მოვახერხებდით. ის უკვე არის ფანტასტიური მოთამაშე, მაგრამ შეუძლია დიდი ფეხბურთელი გახდეს. დარწმუნებული ვარ სწორედ ესაა მისი მიზანი"
"მომდევნო თვეებში და წლებში მას უფრო მეტი შანსი ექნება შექმნისა და გატანის. რადგან უმაღლესი კლასის მოთამაშეა. უნდა ნახოთ როგორ მოსწონს აქაურობა და რა კარგია მასთან ურთიერთობა, როგორც ადამიანთან" - ციტირებს ჩარლტონის სიტყვებს United Review.