"მანჩესტერ იუნაიტედის" ცენტრალური მცველი, ფილ ჯონსი აცხადებს, რომ მისი კლუბი ყველაფერს გააკეთებს, რათა ჩემპიონთა ლიგაზე უსწრაფესად დაბრუნდეს.
"ბაიერნთან" მარცხის შემდგომ "იუნაიტედი" მინიმუმ ერთი წლით ემშვიდობება ჩემპიონთა ლიგას. ჯონსის განცხადებით მისი კლუბი საუკეთესო გუნდთან დამარცხდა.
"ჩემპიონთა ლიგას უდიდესი მნიშვნელობა აქვს. "იუნაიტედი" ჩემპიონთა ლიგაზე უნდა იყოს."
"ასეთი საღამოები იშვბიათად ხდება. "ბაიერნი" ის კლუბია - რომლის წინააღმდეგ თამაშიც გსურს. თუ გსურს თავი გამოსცადო საუკეთესოების წინააღმდეგ, სწორედ მათთან უნდა ითამაშო. ჩემი აზრით "ბაიერნი" საუკეთესოა."
"შედეგით განაწყენებული ვართ. უკან რომ მოიხედავ ნახავ, რომ შეგეძლო სეზონის უკეთ დასრულება, ესა თუ ის მატჩი რომ მოგეგო. მაგრამ გავაგრძელებთ მუშაობას, რადგან გვსურს ასეთი საღამოები მალე დავაბრუნოთ" - ციტირებს ჯონსის სიტყვებს MUTV.