ედ ვუდვორდი დარჩა გერმანიაში "ბაიერნთან" განცდილი მარცხის შემდეგ, რათა მოელაპარაკოს ტონი კროოსს და მის აგენტს. ვუდვორდი არ გაყოლია გუნდის თვითმფრინავს ბრიტანეთში. მას აქვს იმედი, რომ შეძლებს მიუნხენიდან "ოლდ ტრაფორდზე" ფეხბურთელის გადაყვანას. 24 წლის გერმანელი "იუნაიტედის" მთავარი სამიზნეა.







ამ კვირაში ტონი კროოსმა თავის გუნდელებს გაუმხილა, რომ სურს დევიდ მოიესის გუნდში გადასვლა. "იუნაიტედის" შანს ის ფაქტი ზრდის, რომ 12 თვეში ფეხბურთელს მიმდინარე კონტრაქტი ეწურება. კარლ- ჰაინც რუმენიგეს არ სურს მისი დაკარგვა უფასოდ. "ბაიერნი" მზად არის განიხილოს შეთავაზებები 20 მილიონი ევროდან. კროოსი უყმაყოფილოა მისი ამჟამინდელი ხელფასით, რომელიც კვირაში 60,000 ევროს წარმოადგენს. მან ასევე ისაუბრა, რომ ეწყინა, როდესაც პეპ გუარდიოლამ ის "იუნაიტედთან" პირველი მატჩის დროს შეცვალა.







კროოსს ასევე სურს N10-ად თამაში, რისი შესაძლებლობაც ამ სეზონში თითქმის არ ეძლევა- გუარდიოლა მას საყრდენ ნახევარმცველად ამწესებს. როდესაც რუმენიგეს ტონის შესახებ კითხეს, მან შემდეგი პასუხი გასცა:"მე გპირდებით, რომ ის მომავალ სეზონში ჩვენთან ითამაშებს." კროოსმა თავი სოლიდურად წარმოაჩინა გუშინდელ მატჩში, როდესაც ბასტიან შვაინშტაიგერი ჩაანაცვლა.