"იუნაიტედის" მთავარმა მწვრთნელმა "ბაიერნთან" მარცხის შემდეგ ჟურნალისტების კითხვებს უპასუხა. მოიესმა მატჩის შედეგი უიღბლობას და უყურადღებობას მიაწერა. მისი განცხადებით, "იუნაიტედის" მთავარი მიზანი ჩემპიონთა ლიგაზე დროულად დაბრუნებაა.
"გუნდის აღდგენა და ჩემპიონატში დროულად დაბრუნება გვჭირდება. ეს შესანიშნავი ჩემპიონატია, მიმდინარე სეზონით ძალიან ვისიამოვნეთ. "ბაიერნს" რაც შეეხება, მათთან მარცხი სასირცხვილო ნამდვილად არ არის."
მოიესს ჰკითხეს, ემუქრება თუ არა მას პოსტის დატოვება.
"ეს კითხვა მე არ უნდა დამისვათ. ეს სამუშაო ახლახანს დამეკისრა და ვაპირებ ის ბოლომდე მივიყვანო. კლუბში ყველა ძალიან კარგად დამხვდა. ჩემი მთავარი მიზანი ახლა სწორედ გზის პოვნაა, რომელიც ჩემპიონთა ლიგაზე დროულად დაბრუნებაში დაგვეხმარება. კლუბს ჩემს მოთხოვნებზე პრობლემები არასოდეს ჰქონია. ვაპირებთ ფული სწორად დავხარჯოთ ფეხბურთელებზე, რომელთა ყიდვაც შესაძლებელია.
რაც შეეხება მატჩს, სკოლის მოსწავლეებს სჭირდებათ იმის სწავლება, რომ გოლის გატანის შემდეგ მალევე არ გაუშვან ბურთი. ჩვენ ძალიან სწრაფად მივიღეთ გოლი საკუთარ კარში. ეჭვიც არ მეპარებოდა, რომ რთული მატჩი იქნებოდა. როცა გოლი გავიტანეთ, ვალდებულები ვიყავით 5-10 წუთი მაინც ძალიან ყურადღებით უნდა ვყოფილიყავით, შემდეგ კი ბურთის დაუფლებასაც შევეცდებოდით, მაგრამ ასე არ გამოვიდა. არ ვიცი ეს რისი ბრალი იყო, კონცენტაციის დაკარგვის, უიღბლობის. საკმარისი გამოცდილება გვქონდა, რომ ის მოედანზე ბოლომდე გამოგვეყენებინა. ჩემს ფეხბურთელებს მატჩში საშინელება არ გაუკეთებიათ, იყო პატარა შეცდომები, მაგრამ მათი თამაშით კმაყოფილი ვარ.
ბოლომდე არ მიფიქრია, რომ მატჩის ბედი გადაწყვეტილი იყო. 2:1-ზე მხოლოდ ერთი გოლი გვჭირდებოდა, მაგრამ მესამე გოლმა ბოლო მოგვიღო. ყველაფერი ჩვენს საწინააღმდეგოდ წარიმართა, ვფიქრობ ბედმაც ზურგი გვაქცია.
ბაიერნი ნამდვილად კარგი გუნდია, მაგრამ ვფიქრობ, ჩვენ ჩვენი გასაკეთებელი გავაკეთეთ და მათ პრობლემებიც შევუქმენით. ტაქტიკურად, ჩვენ სწორად ვითამაშეთ, მაგრამ ძალიან რთულდება სიტუაცია, როცა გოლის გატანისთანავე უშვებ შენს კარში ბურთს."
წყარო: skysports.com
ინტერვიუები, პრესკონფერენცია
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.