"მანჩესტერ იუნაიტედის" ინგლისელმა თავდამსხმელმა, უეინ რუნიმ "ბაიერნის" წინააღმდეგ გასამართი შეხვედრის წინ ჩატარებულ ვარჯიშში მონაწილეობა მიიღო.
შეგახსენებთ, რომ გერმანელებთან ჩატარებულ პირველ საშინაო შეხვედრაში რუნიმ ფეხის თითის ტრავმა მიიღო. ამ დაზიანების გამო კი რუნიმ "ნიუკასლთან" შეხვედრა გამოტოვა.
თუმცა დღეს დილით რუნი საერთო შემადგენლობის ვარჯიშზე შენიშნეს. მოგვიანებით "წითლები" მიუნხენში გაფრინდებიან და ბორტზე რუნიც იქნება.
ორშაბათს ვარჯიში პატრის ევრამაც ჩაატარა, რომელსაც ალექსანდარ ბიუტნერთან მოუხდება მარცხენა მცველის პოზიციისთვის ბრძოლა.