"მანჩესტერ იუნაიტედის" სკაუტები დაესწრნენ იტალიის ჩემპიონატის მატჩს, რომელიც "ფიორენტინასა" და "უდინეზეს" შორის შედგა. ისინი ხუან კუადრადოს აკვირდებოდნენ. კოლუმბიელი ფეხბურთელი ადრე მარჯვენა ვინგერად თამაშობდა, მაგრამ ბოლო დროს მას დაცვაში თამაში უწევს და თავს კარგად ართმევს დაკისრებულ მოვალეობას. "იუნაიტედის" ხელმღძვანელობას მისი სისწრაფე, დრიბლინგი და დაცვითი ფუნქციები მოსწონს.
კუადრადოს მანჩესტერელები აკვირდებიან
ხუანი გატანილ გოლს აღნიშნავს
"იუნაიტედს" არ ჰყავს ბევრი ფეხბურთელი მარჯვენა ფლანგზე. წინა მატჩში, "ნიუკასლთან", მარჯვენა მცველის პოზიციაზე ანტონიო ვალენსია გაისარჯა. მოიესს სურს მის ფლანგის მცველებს ისევე შეეძლოთ შეტევაში ჩართვა, როგორც მის ყოფილ შეგირდებს, ლეიტონ ბეინსსა და შეამუს კოულმენს. ახალი არ არის ის ამბავი, რომ მოისს პატრის ევრას შემცვლელის ყიდვა სურს. მას ასევე რაფაელის შემცვლელის მოძებნაც მოუნდა. კუადრადომ "უდინეზეს" გოლი შეუგდო და მის გუნდს 2-1 მოაგებინა. მას "იუნაიტედის" სკაუტების გარდა, "ბაიერნისა" და "არსენალის" სკაუტებიც აკვირდებოდნენ. "ფიორენტინა" მზად არის გაყიდოს მოთამაშე. ამავდროულად, "უდინეზეც" ეცდება კუადრადოს ხელში ჩაგდებას.
კუადრადო "ფიორენტინას" ლიდერად ჩამოყალიბდა
მოიესი დაცვის გაძლიერებას აპირებს
მოიესს სურს გუნდში კონკურენციის გაზრდა
შეამუს კოულმენი მოიესის ერთ-ერთი ფავორიტი მოთამაშეა