"მანჩესტერ იუნაიტედის" ყოფილი ფორვარდი, ბულგარელი დიმიტარ ბერბატოვი აცხადებს, რომ კარიერის დასრულების შემდეგ სურს ფილმში მიიღოს მონაწილეობა, როგორც ერიკ კანტონამ.

დიმიტარმა თავის ასეთ სურვილზე ფრანგულ პრესასთან ისაუბრა: "კანტონა დიდებული ფეხბურთელი იყო. ის მსოფლიო ფეხბურთის ლეგენდაა.

ყველა ის გოლი რომელიც მას გაჰქონდა, ხოლო შემდეგ საყელოს იწევდა, ეს მართლაც მაგარია.

ამის შემდეგ ერიკი კინოთი დაინტერესდა.

მეც ძალიან მიყვარს კინომატოგრაფია და მსურს ფილმში მივიღო მონაწილეობა. როცა კარიერას დავასრულებ აუცილებლად ვცდი ამას.

არ ვიცი გამომივა თუ არა ეს ისე როგორც კანტონას, თუმცა მე ბოლომდე ვეცდები." - დაასრულა ბერბამ.