"იუნაიტედის" ოფიციალურმა საიტმა გაავრცელა ინფორმაცია, რომლის თანახმადაც "იუნაიტედის" მეკარე სემ ჯონსტონი "დონკასტერ როვერსში" არენდით სეზონის ბოლომდე დარჩება.
იანვრის ბოლო ახალგაზრდა მეკარე "დონკასტერს" არენდით შეუერთდა. თავდაპირველად არენდის ვადა 1 თვე იყო. სემის დებიუტი მეორე დღესვე "მიდლსბროს" წინააღმდეგ შედგა, სადაც 21 წლის მეკარემ კარის მშრალად შენახვა შეძლო. ახალგაზრდა სემს იჯარის ვადა კიდევ ერთი თვით გაუხანგრძლივეს. შემდეგ კი "დონკასტერის" ხელმძღვანელობამ მისი სეზონის ბოლომდე დატოვება გადაწყივტა.
"ჩვენ სემს მუდამ ვაკვირდებით, იგი დღითიდღე უკეთესდება. მისი იჯარით წასვლა საუკეთესო არჩევანი იყო. ეს მას დიდი გამოცდილების შეძენაში დაეხმარება."-განაცხადა მანჩესტერის ახალგაზრდული გუნდის მწვრთნელმა უორენ ჯოისმა