"მანჩესტერ იუნაიტედმა" ოფიციალურად განაცხადა, რომ ზაფხულში აშშ-ს ტურნეს ფარგლებში კლუბი მადრიდის "რეალს" დაუპირისპირდება.

მოცემული შეხვედრა წინასასეზონო ტურნირის - International Champions Cup - ფარგლებში შედგება, რომელშიც ასევე "მანჩესტერ სიტი" და "ლივერპული" მიიღებენ მონაწილეობას.

უკანასკნელად ეს გუნდები ერთმანეთს გასულ წელს დაუპირისპირდნენ ჩემპიონთა ლიგის 1/8 ფინალურ ეტაპზე, სადაც ჟოზე მოურინიოს ესპანურმა კლუბმა "წითელი ეშმაკები" ორი მატჩის ჯამში ანგარიშით 3-2 დაამარცხა.

ამჯერად ისინი 2 აგვისტოს "მიჩიგან სტეიდიუმზე" შეხვდებიან ერთმანეთს. აღსანიშნავია, რომ ეს სტადიონი, რომლის ზედმეტსახელია "დიდი სახლი" 109,901 მაყურებელს იტევს.