დამთავრდა მარტის თვე და ტრადიციულად "მანჩესტერ იუნაიტედის" ოფიციალური ვებ-გვერდი ატარებს კონკურსს: თვის საუკეთესო მოთამაშეს.
ნომინაციაში წარდგენილნი არიან:
დევიდ დე ხეა ესპანელი კიპერი წელს ფანტასტიურად გამოიყურება და წლის მოთამაშის ტიტულის მოგების ერთ-ერთი მთავარი პრეტენდენტია. მან "ოლიმპიაკოსთან", "ვესტ ჰემთან" და "ვესტ ბრომვიჩთან" მატჩები უმაღლეს დონეზე ჩაატარა. ასევე დევიდის ორი შესანიშნავი სეივის წყალობით "მანჩესტერ იუნაიტედმა" ჩემპიონთა ლიგის მეოთხედ-ფინალის საგზური გაინაღდა.
ფილ ჯონსი
ფილ ჯონსმა ამ სეზონში ინგლისის ეროვნულ ნაკრებში ექვსივე მატჩი უმაღლეს დონეზე ჩაატარა. ასევე იგი ფანტასტიურად თამაშობს "იუნაიტედში". ფილს შეუძლია ერთდროულად ცენტრალური ნახევარმცველისა და მარჯვენა მცველის პოზიციაზე ითამაშოს. 22წლის მცველს კარგი ფიზიკური მონაცემები აქვს. მან "ოლიმპიაკოსის" წინააღმდეგ მატჩში შესანიშნავად ითამაშა და ბერძენთა თავდასხმელებს საჯარიმოში შემოსვლის საშუალება თითქმის არ მისცა.
უეინ რუნი
რაც შეეხება, "მანჩესტერ იუნაიტედის" თილისმას უეინ რუნის იგი მართლაც შეუდარებელია. "ვესთ ჰემის" წინააღმდეგ გატანილი გოლი სეზონის ერთ-ერთ საუკეთესო გოლადაც კი მოისაზრება. უეინ რუნიმ "ასტონ ვილასთან" გატანილი ორი გოლის შემდეგ ყველა დროის პრემიერ ლიგის ბომბარდირების სიაში 171 გოლით მეოთხე ადგილზე გადაინაცვლა.