დავიდ დე ხეამ კლუბის ოფიციალურ Facebook-ის გვერდზე გულშემატკივართა კითხვებს უპასუხა.
როგორ აფასებთ მსოფლიო ჩემპიონატზე თქვენი მოხვედრის შანსებს?
ვიქტორ ვალდესმა ტრავმა მიიღო, ამიტომ შესაძლოა მე წამიყვანონ. მაგრამ არ იფიქროთ, რომ ვიქტორის ტრავმა მახარებს. ეს ნაკრებისთვის უდიდესი დანაკლისია და საშინელებაა.
იყო თუ არა უეინ რუნის გოლი საუკეთესო მათ შორის, რაც უშუალოდ თამაშისას გინახავთ?
ეს ერთ-ერთი საუკეთესო გოლია რაც ოდესმე მინახავს. ასეთი რამის გაკეთება ძელიან ძნელი იყო. ასეთი გოლის გასატანად ფანტასტიური ტექნიკაა საჭირო. ეს ყველაფერი კი რუნის ნამდვილად აქვს.
როგორ ფიქრობთ, გაქვთ შანსი, რომ გულშემატკივარმა წლის ფეხბურთელად დაგასახელოთ?
ამაზე პასუხის გაცემა მიჭირს, გამოკითხვაში ხომ გულშემატკივრები მონაწილეობენ. სიმართლე გითხრათ, ამას ნამდვილად არ ვუმიზნებ. ჩემი მიზანი - საკუთარი კარის მშრად შენახვაა და სეზონის დარჩენილი ნაწილის რაც შეიძლება კარგად ჩატარება გახლავთ. გარდა ამისა, ჩვენს გუნდში უამრავი ფეხბურთელია, რომელიც ასევე იქნება წარდგენილი ამ ტიტულის კანდიდატად.
რომელი ფეხბურთელის წინააღმდეგ გიჭირთ ვარჯიშზე ყველაზე მეტად?
ჩვენს გუნდში უმაღლესი კლასის ფეხბურთელები ირიცხებიან, რომლებიც ვარჯიშებზე მუდმივად ტონუსში გამყოფებენ. ეს ჩემს ფორმას ხელს უწყობს. ჩიჩარიტო და რუნი ვარჯიშებზე ძალიან ბევრ გოლს იტანენ, მაგრამ ესეც კი მეხმარება.