"მანჩესტერ იუნაიტედის" მეკარეს, დავიდ დე ჰეას მიაჩნია, რომ თანდათან ინგლისური ფეხბურთი ესპანურ ხასითს იღებს.
დავიდის აზრით მის სამშობლოში ფეხბურთი უფრო ეფექტურია, ვიდრე სხვა ნებისმიერ ქვეყანაში. თუმცა დე ჰეა დარწმუნებულია, რომ წარმატების გასაღები ორი სტილის შერწყმაშია. "დღეს ყველაზე წარმატებულად ესპანეთში თამაშობენ. გუნდმა ბურთი უნდა დაიჭიროს, ითამაშოს და ბერი ფეხბურთელით შეუტიოს."
"ინგლისური ფეხბურთი თანდათან ცდილობს ამ ნიშნების გადმოღებას. აქ თამაში ყოველთვის უფრო ძალისმიერია, უფრო ძლიერია და უფრო საბრძოლოა. ეს სხვა სტილია, მაგრამ ორივე კარგია და გასაღებიც მათ კომბინირებაშია" - ციტირებს დე ჰეას სიტყვებს Manchester Evening News.