ჯოი ბარტონის განცხადებით, უეინ რუნის არ გაუგრძელებია პროგრესი მას შემდეგ, რაც 12 წლის წინ"ევერტონი" დატოვა. "ქპრ"-ს ნახევარმცველმა ეს "BBC რადიოსთან" საუბრისას განაცხადა. მისი აზრით, უეინ რუნი არ არის ისეთივე კალიბრის მოთამაშე, როგორებიც არიან ლიონელ მესი და კრიშტიანო რონალდო. მან იგივე განცახება თავისი ტვიტერის გვერდზეც გააკეთა. "უეინ რუნის შეეძლო ყოფილიყო რონალდოს დონის ფეხბურთელი, მაგრამ მან ეს ვერ შეძლო.-განუცხადა მან 5 live Sport-ს.
უეინ რუნი მანჩესტერის საკვანძო ფეხბურთელია მიმდინარე სეზონში
რუნი "ევერტონში" 12 წლის წინ
"რატომ შეძლო რონალდომ ამდენის მიღწევა, რუნიმ კი ვერა? როდესაც ხედავ, თუ როგორ ეწევა რუნი სიგარეტს, იფიქრებ, რომ ის ნორმალურად ცხოვრობს? როდესაც მე ვკითხე რონალდოსა და რუნის შესახებ იმ ადამიანებს, ვინც მათთან ერთად თამაშობდნენ, ყველამ მიპასუხა, რომ რონალდო დიდ დროს უთმობს ვარჯიშს, რათა მონაცემები გაიუმჯობესოს. პროფესიონალიზმი არის მიზეზი იმისა, რომ რონალდო დღეს მსოფლიოში საუკეთესო მოთამაშეა, რუნი კი არა. "
ინგლისელებს რუნის იმედი აქვთ
ბარტონის განცხადებით, თავად არასდროს ყოფილა ტოპ-კლასის მოთამშე
ტვიტერზე ბარტონმა შემდეგი რამ დაწერა:"მე ვთვლი, რომ უეინი არ განვითარებულა მას შემდეგ, რაც "ევერტონი" დატოვა. როგორც მე ვთქვი, ის ტოპ-კლასის ფეხბურთელია. ჩემთვის ის ფავორიტია მის თაობაში. მიყვარს მისი თამაში, "ძველ სკოლას" მახსენებს. მაგრამ არ არის მსოფლიო დონის ფეხბურთელი."
ნამდვილი ვარსკვლავები: რონალდო და მესი
"რათქმაუნდა, ის ჩემზე უკეთესია. ეს არ არის სადისკუსიო თემა. მე არასდროს ვყოფილვარ ტოპ-კლასის ფეხბურთელი. ახლა გეტყვით, ვინ არიან მსოფლიო დონის მოთამაშეები- რონალდო, მესი, ინიესტა და სუარესი.?"