მიუნხენის "ბაიერნის" სპორტული დირექტორი, მატიას ზამერი თვლის, რომ ვალენსია უნდა გაეძევებინათ პირველ შეხვედრაში.
ვალენსია ჟერომ ბოატენგს ეთამაშა უხეშად, მაგრამ ეკუადორელი ფეხბურთელი ველასკო კარბალიოს მრისხანებას გადაურჩა. სამაგიეროდ ასე არ გაუმართლა ბასტიან შვაინშტაიგერს, რომელიც რუნისთან შეტაკების შემდეგ მოედნიდან გააძევეს.
"თუ კი იმავე სტანდარტებს მივყვებით, არ მესმის რატომ დარჩა ვალენსია მოედანზე - ციტირებს ზამერის სიტყვებს Sky - თუ მსაჯს რაიმე სახის პოლიტიკა აქვს, მაშინ მას უნდა გაჰყვეს."
"ლაპარაკი არ უნდა იმას, რომ რაც შვაინშტაიგერმა გააკეთა ჯარიმა იყო, მაგრამ ვალენსიას შემთხვევაშიც იგივე მოხდა, თანაც იგი გაშლილი ფეხით წავიდა ჟერომ ბოატენგზე. ამ დროს კი იგივე სტანდარტებს უნდა მიჰყვე."
ბევრი ფიქრობდა, რომ "ბაიერნი" პირველსავე შეხვედრაში მოახერხებდა ცუდ ფორმაში მყოფი "იუნაიტედის" დაჩაგვრას, მაგრამ დევიდ მოიესის შეგირდებს ჯერ კიდევ რჩებათ შემდეგ ეტაპზე გასვლის შანსები.