გერმანული არხის, Sky-ს ჟურნალისტმა დაადასტურა, რომ მიუხედავად იმისა, რომ "ბაიერნის" ოფიციალური პირები აცხადებენ კროოსის დარჩენის შესახებ, გერმანელ ფეხბურთელს ჯერ მომავალი არ გადაუწყვეტია.
"იუნაიტედთან" გამართული მატჩის წინ პეპ გვარდიოლამ და კარლ-ჰაინც რუმენიგემ იმედი გამოთქვეს, რომ კროოსი ახალ კონტრაქტს მოწერს ხელს. მიუხედავად ამისა, ყოფილმა ფეხბურთელმა და აწ უკვე ჟურნალისტმა, იან ოგე ფიორტოფმა ტონი კროოსს მცირედი ინტერვიუ ჩამოართვა, სადაც კროოსი ადასტურებს, რომ მისი მომავალი ჯერ გადაწყვეტილი არ არის.
მოგეწონათ "ოლდ ტრაფორდზე" თამაში?
დიახ, შესანიშნავი სტადიონია, არაჩვეულებრივი ატმოსფეროთი.
არსებობს შანსი, რომ აქ რეგულარულად ითამაშოთ?
ჩემი მომავლის შესახებ გადაწყვეტილებას მოგვიანებით მივიღებ.
ინგლისური პრესა ავრცელებს ფოტოებს, სადაც ტონი კროოსი უკმაყოფილებას გამოთქვამს მისი შეცვლის გამო.