"მანჩესტერ იუნაიტედსა" და მიუნხენის "ბაირნის" მთავარი მწვრტნელები, დევიდ მოიესი და ხოსეპ გვარდიოლა მოხარულნი არიან 1/4 ფინალურ სტადიაზე პირველი შეხვედრის ფრედ დასრულებით.
მეორე ტაიმის დაწყებიდან მალევე მოახერხა "იუნაიტედის" კაპიტანმა, ნემანია ვიდიჩმა ბურთის გადაგზავნა ნოიერის კარში, მაგრამ საპასუხო გოლიც საკმაოდ სწრაფად მიიღო. 1:1 არის შედეგი, რომელიც რეალურ შანსებს ტოვებს დევიდ მოიესის გუნდისთვის.
"ფეხბურთელები შესანიშნავად თამაშობდნენ. ცოტათი გამიცრუვდა იმედი გოლის გაშვებით, მაგრამ საერთო ჯამში მართლაც კარგად გამოვიყურებოდით. წარმაეტბის მიღწევის ნამდვილი წყურვილი გამოვავლინეთ. ამ ტურნირზე კარგი ისტორია გვაქვს. დღეს გულშემატკივარმა შესანიშნავი მხარდაჭერა აღმოგვიჩინა და ამ სტადიონზე ბრწყინვალე ატმოსფერო სუფევდა."
დენი ველბეკის ერთი-ერთზე გასვლის შესახებ:"ტურნირის ამ ეტაპზე უფრო გადაწყვეტისუნარიანი უნდა იყო. როცა შანსები გეძლევა, გმაოყენება უნდა შეგეძლოს."
"ვიცით, რომ საპასუხო შეხვედრაში გოლის გატანა გვჭირდება. შევეცდებით ამას რამე მოვუხერხოთ. მაგრამ ისიც ვიცით, რომ რეალური შანსი გვაქვს. შევეცდებით გამოვიყენოთ იგი. სწორედ ამ შანსის მიღება გვსურდა."
"ჩვენ არაჩვეულებრივი შესაძლებლობა მოგვეცა. მიუნხენში მოსაგებად ჩავალთ. საუკეთესო თამაშს სწორედ ჩემპიონთა ლიგაზე ვაჩვენებთ და ახლა ის გვჭირდება." - უცხადებს დევიდ მოიესი უეფა-ს ოფიციალურ საიტს.
გვარდიოლა, რომელიც საპასუხო შეხვედრაში ხავი მარტინესისა და ბასტიან შვაინშტაიგერის გარეშე დარჩა, კმაყოფილია საყაიმო შედეგით.
"სრულიად კმაყოფილი ვარ. "მანჩესტერ იუნაიტედს" ერთ-ერთი საუკეთესო გუნდი ჰყავს მსოფლიოში. ჩვენ გასვლით შეხვედრაში გავიტანეთ გოლი და ეს ძალიან მნიშვნელოვანია. ასევე გაგვიმართლა, რომ დენი ველბეკმა და უეინ რუნიმ ვერ მოახერხეს თავის გამოჩენა. სიტუაციაში, როცა ჩვენ გოლი გავუშვით, რთული იყო თავდაცვა."
"ყოვეთვის არსებობს საფრთხე, როცა საპასუხო შეხვედრაში 1:1 ანგარიშით მიდიხარ, მაგრამ 1:2-ც სახიფათო იქნებოდა. შევეცდებით საპასუხო შეხვედრა მოვიგოთ და მე დარწმუნებული ვარ, რომ ეს შეგვიძლია. ჩემი მოთამაშეების დიდი იმედი მაქვს და იმედს ვიტოვებ, რომ გულშემატკივრები ისევე დაგვიდგებიან მხარში, როგორც "იუნაიტედს" ედგა ინგლისური პუბლიკა "ოლდ ტრაფორდზე" - ციტირებს გვარდიოლას სიტყვებს BBC.