დევიდ მოიესმა "ბაიერნთან" მატჩამდე პრესკონფერენცია გამართა, სადაც ფეხბურთელებზე და გუნდში მომხდარ ახალ ამბებზე ისაუბრა.
ჩემპიონთა ლიგა:
"ამ სეზონში ჩემპიონთა ლიგაზე ჩვენ საკმაოდ წარმატებულად ვიასპარეზეთ. მე ამ ტურნირზე გამოცდილება არ მქონდა, მიუხედავად ამისა ფეხბურთელების დახმარებით ჯერ ჯგუფური ეტაპიდან გავედით, შემდეგ კი მერვედფინალში ოლიმპიაკოსის წინააღმდეგ პატარა სასწაული მოვახდინეთ. მეოთხედფინალში ჩვენ დიდი გამოწვევა მივიღეთ, მიუხედავად ამისა გერმანლების წინააღმდეგ მზად ვართ."
მატჩი:
"მე არ ვამბობ, რომ ჩვენ მატჩამდე განსაკუთრებული სახის ზეწოლას ვგრძნობთ. მართალია ვეთამაშემით ჩემპიონებს, მაგრამ მე მჯერა ჩემი ფეხბურთელების და ვიცი თუ რა შეუძლიათ მათ. ისინი ბევრს შრომობენ და მუდამ პროგრესირებას ცდილობენ. დარწმუნებული ვარ, რომ ისინი მოწინააღმდეგის ფეხბურთელებს პრობლემებს შეუქმიან და დასახულ მიზანს მიაღწევენ. ჩვენი ბიჭები დღევანდელ მატჩს მოუთმენლად ელიან."
"ჩვენ ბაიერნთან ორი ურთულესი მატჩი უნდა ჩავატაროთ. კარგი იქნება გერმანიაში გამარჯვებულები წავიდეთ, მაგრამ გამარჯვების მოპოვება მათთან ძალიან რთული იქნება. მათ ყველა პოზიციაზე საუკეთესო ფეხბურთელები ჰყავთ. ბაიერნმა 7 ტურით ადრე მოიგო ბუნდესლიგა, მე ძალიან გამიხარდა, რომ პეპ გუარდიოლამ მოსვლისთანავე შეძლო და გუნდი გერმანიის ჩემპიონი გახადა. მე ვულოცავ მას ასეთ დიდ წარმატებას."
გუნდი:
"ჩვენ დაცვის ხაზში პრობლემა გვაქვს. დღეს პატრის ევრა ვერ დაგვეხმარება, ხოლო რაფაელის მოედანზე გამოსვლა კი კითხვის ნიშნის ქვეშ დგას. მე შაბათის მატჩთან შედარებით ძირითად შემადგენლობაში მეტ ცვლილებას განვახორციელებ. მოედანზე პირველივე წუთებიდან იხილავთ შინჯი კაგავას, რომელიც გუნდისთვის ძალიან მნიშვნელოვანი ფეხბურთელია."-დაასრულა მოიესმა