დარენ ფლეთჩერი გამოტყდა, რომ "ასტონ ვილასთან" გამართულ შეხვედრაში შემტევმა ტრიომ მისი გაოცება გამოიწვია.
"უეინი ჩვენი გუნდის თილისმაა. ის შესანიშნავი მოთამაშეა, იგი ნამდვილი ლიდერია, რაც თითქმის ყველა შეხვედრაში მტკიცდება. ძალიან ბედნიერები ვართ, რომ ჩვენს რიგებში ასეთი ფენომენალური ფეხბურთელი ირიცხება. დარწმუნებული ვარ, რომ ის მუდმივად განვითარდება და ფორმის პიკს მიაღწევს." - ციტირებს ფლეთჩერის სიტყვებს manutd.com.
"ხუან მატა - შესანიშნავი ფეხბურთელი და ადამიანია. ის ცოტა ხნის წინ მოვიდა ჩვენს გუნდში, მაგრამ გასახდელის განუყოფელი ნაწილია. მას გოლი სჭირდებოდა და როგორც იქნა გაიტანა. იმედი მაქვს სეზონის ბოლოს კიდევ უფრო მეტი გოლი იქნება მის აქტივში."
"ჩვენი მეოთხე გოლი მთელი გუნდის კარგი თამაშის წყალობით გავიდა. ფელაინიმ პასი გაცვალა იანუზაისთან, შემდეგ კი იანუზაიმ შესანიშნავი პასი გადააწოდა ჩიჩარიტოს. იანუზაი ამ გუნდის მნიშვნელოვანი ფიგურა გახდება. ხალხმა მოთმინება უნდა იქონიოს და მისგან ძალიან ბევრი არ უნდა მოითხოვოს ამ დროისათვის."
"მან ფანტასტიური სეზონი ჩაატარა. შესაძლოა ბოლო პერიოდში ისე ხშირად ვერ თამაშობს, როგორც თავად სურს, მაგრამ მან ნამდვილი პროფესიონალიზმი და წარმატების მიღწევის სურვილი გამოავლინა. ყველაფერი რაც თქვენ გევალებათ, ეს არის შენი სამუშაოს მაღალ დონეზე შესრულება და ამით მენეჯერისთვის თავსატეხის გაჩენა, თუ ვინ დააყენოს ძირითადში."