ცნობილმა გამოცემა Mirror-მა რამდენიმე სატრანსფერო ჭორი გამოაქვეყნა, რომლებიც "მანჩესტერ იუნაიტედთან" არიან კავშირში.
ლუკ შოუ.
როგორც გაირკვა "საუთჰემპტონის" ახალგაზრდა მცველი ლუკ შოუ არა მხოლოდ "იუნაიტედს" სურს. ინგლისელით "ჩელსიც" დაინტერესდა და მოურინიოს სურს შოუს თავის კლუბში ხილვა. მიუხედავად ამისა ამჟამად "იუნაიტედს" უპირატესობა აქვს რადგან ისინი შოუს სანაცვლოდ "საუთჰემპტონს" 27 მილიონ ფუნტს სთავაზობენ.
ტომ ქლევერლი.
"ევერტონის" მთავარ მწვრთნელს რობერტო მარტინესს ტომ ქლევერლის თავის კლუბში ხილვა სურს. ბოლო დროს ქლევერლის ძალიან ცოტა სათამაშო დრო ეძლევა, რაც მისი უსახური თამაშითაა განპირობებული. როგორც გამოცემა იტყობინება "ევერტონი" ქლევერლისთვის 15 მილიონს გადაიხდის.
ნიკ პაუელი.
უელსური გუნდი "სუონსი" კი ნიკ პაუელით დაინტერესდა. ეს უკანასკნელი იჯარის წესით "უიგანში" თამაშობს და საკმაოდ კარგ შთაბეჭდილებას ტოვებს. "სუონსი" მზადაა პაუელში 5 მილიონი გადაიხადოს.