მიუხედავად იმისა, რომ "იუნაიტედი" ერვოპის ჩემპიონებს უპირისპირდება, რომლებიც პროგრესს არ წყვეტენ, "მანჩესტერი" მეოთხედფინალის პირველ თამაშში რწმენით წარდგება. ალბათ ყველას კარგად ახსოვს როგორი ქამბექი შესთავაზეს "ეშმაკებმა" გულშემატკივარს "ოლიმპიაკოსთან" მატჩში. მათ ისეთივე სულისკვეთებით მოუწევთ თამაში გვარდიოლას ბიჭების წინააღმდეგაც.
"როდესაც კენჭისყრაში ისინი ამოგვივიდა, მივხვდი, რომ ევროპის საუკეთესო კლუბს ვუპირისპირდებოდით. ალბათ ბევრი დამეთანხმება ამაში,"-აცხადებს მოიესი.
"მე ნამდვილად ვისიამოვნე მათი თამაშის ყურებით გასულ წელს. მათ დიდი ენერგია აქვთ. მე საერთოდ მსიამოვნებს გერმანული ფეხბურთის ყურება და მათ თამაშებზეც დავდივარ ხოლმე, მაგრამ "ბაიერნი" სხვა კლუბებთან შედარებით ცოტათი მაღლა დგას, "დორტმუნდის" ჩათვლით."
"ჩვენ მართლაც რთული თამაში გველის. მაგრამ დაუძლეველი არავინ არ არის და ჩვენ ვეცდებით ის პატარ-პატარა სისუსტეები გამოვიყენოთ, რომელიც "ბაიერნს" აქვს. პეპმა საოცარი გუნდი ჩაიბარა და დაუმატა თავისი სტილიც. მათ უკვე მოიგეს "ბუნდესლიგა" და საკმაოდ კომფორტულადაც, ამიტომაც ისინი ახლა მხოლოდ და მხოლოდ "ჩემპიონთა" ლიგაზე იქნებიან კონცენტრირებულნი."
მოიესი აღიარებს გვარდიოლას დიდ სამუშაოს, მაგრამ ასევე აცხადებს, რომ ესპანელს შესვენებაც მოუხდა "ბარსელონას" შემდეგ.
"გვარდიოლასთვის ეს რაღაც ახალია. დარწმუნებული ვარ, რომ დიდი სამუშაო გასწია იმ ერთი წლის შესვენების მანძილზე, სანამ "ბაიერნს" ჩაიბარებდა. მან ისწავლა გერმანული, უყურა თამაშებს და ბევრი რამ შეიტყო ფეხბურთელების შესახებ."
"მე რათქმაუნდა ვიცი, რომ მან ძალიან ბევრი იმუშავა, მაგრამ ჩემი დიდი პატივისცემის მიუხედავად, მან აწყობილი გუნდი ჩაიბარა. ისინი ევროპის ჩემპიონები იყვნენ ყველაფერთან ერთად, სწორედ ამიტომაც მას ბევრი რაღაც მოწესრიგებული დახვდა,"-დაასრულა მოესმა.