"იუნაიტედმა" თავიდანვე მიიღო ბურთი თავის კარში, თუმცა "ასტონ ვილას" სიხარული ნაადრევი აღმოჩნდა. უეინ რუნიმ პირველ ტაიმშივე მოახერხა სიტუაციის გამოსწორება და წითლები დააწინაურა. ამას მატასა და ჩიჩარიტოს გოლებიც მოჰყვა. მოიესი კი საბოლოო ჯამში კმაყოფილი აღმოჩნდა.

"ჩვენ კარგად ნამდვილად არ დაგვიწყია თამაში. მე ვფიქრობ, რომ პირველი 5-10 წუთი ყველა აღელვებული იყო. მაგრამ ჩვენ შევძელით შეკვრა და გავაგრძელეთ თამაში. კარგია, რომ ჩვენ შევძელით ორი გოლის გატანა პირველივე ტაიმში ამ შესანიშნავ თამაშში."

"ვფიქრობ, რომ ამის მერე ფეხბურთელები უფრო მოტივირებულნი გახდნენ და ჩვენი თამაში მეორე ტაიმში გამოსწორდა."

"ძალიან მიყვარს ჩემი ფეხბურთი და კმაყოფილი ვარ მეოთხე გოლით, რომელიც შეცვლაზე გამოსულმა მოთამაშეებმა შექმნეს და გაიტანეს. თავიდან შესანიშნავი პასი მისცა ფელაინიმ ადნანს, ადნანმა თავისი ტალანტი გამოიყენა და ჩიჩარიტოს გადასცა ბურთი, მანაც არ დააყოვნა და ბოლო წუთებზე შესანიშნავი გოლი გაიტანა. ეს იყო გოლი არა მარტო "იუნაიტედის", არამედ ფეხბურთის გულშემატკივრისთვის."

მოიესმა ფანებზეც ისაუბრა, რომლებიც როგორც ყოველთვის ბოლომდე ედგნენ გუნდს მხარში და მღეროდნენ მათ სახელს.

"მე უბრალოდ მინდა, ყველამ გაიგოს, რომ მე ვარ ამ კლუბის მენეჯერი. ყველამ იცის მე სად ვარ. მე ვდგავარ ჩემი ფეხბურთელების გვერდზე მოედანზე. იქიდან მოყოლებული, რაც მე "მანჩესტერ იუნაიტედში" ვარ, მე მხოლოდ გვერდში დგომას ვხედავ. მე არ ვიცი ვინ ცდილობს ამ მხარდაჭერის შეცვლას, მაგრამ მე მჯერა, რომ ყველა "იუნაიტედის" გულშემატკივარი გვერდში მიდგას და მიგებენ, მათ ესმით რა სიტუაციაში ვართ ახლა ჩვენ. ჩვენი ფეხბურთელები ბოლომდე მოტივირებულნი და საოცრად მიზანდასახულნი არიან და ეს სწორედ ის მნიშვნელოვანი რამაა, რაც მე მსურდა. მე მინდოდა, რომ მათი მიზანი სწორად ყოფილიყო არჩეული."

"მე მთლიანად თამაშის მოგებაზე ვიყავი კონცენტრირებული, მეტ არაფერზე. ვფიქრობ, რომ სტადიონზე მყოფი ფანები შესანიშნავად უჭერდნენ მხარს კლუბს და მოთამაშეებს. მე მართლა მოუთმენლად ველი "მიუნხენის ბაიერნთან" თამაშს. ძალიან ცუდი სეზონი ჩავატარეთ წელს, მაგრამ დარწმუნებული ვარ, რომ ყველაფერი გაცილებით უკეთ შემოტრიალდება, თუ ჩვენ სამშაბათს იმ შედეგს ავიღებთ რაც ასე ძალიან გვსურს,"-დაასრულა "იუნაიტედის" თავკაცმა.


ManUtd.com