"წითლებმა" ცამეტი წუთის შემდეგ ბურთი მიიღეს საკუთარ კარში ეშლი ვესტვუდის საოცარი ჯარიმით, მაგრამ მათ ჰყავთ უეინ რუნი, რომელმაც გულშემატკივარსა და კლუბს იმედი არ გაუცრუა, შესანიშნავად გამოიყენა კაგავას პასი და ცოტა ხანში საოცარი თავურით ბურთი მოათავსა მეტოქის კარში. ცოტა ხანში კი მატაზე დადებული პენალტი გამოიყენა და "ეშმაკუნები" წინ წასწია.



ამის შემდეგ ხუან მატამ მისი პირველი გოლი გაიტანა წითელი მაისურით მეორე ტაიმში. "ეშმაკუნები" ამით არ დაკმაყოფილდნენ და შეცვლაზე შემოსულმა ჩიჩარიტომ ბოლო წუთებზე გაიტანა გოლი, როგორც ეს მას სჩვევია. მაგრამ ყველას შთამგონებელი უეინ რუნი გახლდათ.

"დღეს ძალიან მნიშვნელოვანი თამაში იყო. შუა კვირაში ცუდი თამაში ვაჩვენეთ, ამიტომაც ჩვენ იძულებულნი ვიყავით გვეჩვენებინა რა შეგვიძლია და რა გუნდი ვართ. მართლაია თავიდან ნელი ტემპით და ცუდად დავიწყეთ თამაში და ამის გამო დავისაჯეთ კიდეც, მაგრამ ჩვენ შევძელით ყველაფრის გამოსწორება, უკეთესად ავთამაშდით და მოვიპოვეთ გამარჯვება, რომელსაც ჩვენ უდავოდ ვიმსახურებდით,"-აცხადებს "იუნაიტედის" ათი ნომერი.



ხუან მატამ კი რუნის მნიშვნელობაზე ისაუბრა: "უეინი ძალიან მნიშვნელოვანი ფეხბურთელია ჩვენთვის. თუ ის ყოველ თამაშში ორი გოლის გატანას შეძლებს, ალბათ ჩვენ ლიგაში გამოვსწორდებით. მე ძალიან ბედნიერი ვარ მის გამო, ის არის ბომბარდირი, ტოპ-ფეხბურთელი და შესანიშნავი ადამიანი."

"როგორც შრეკმა განაცხადა დასაწყისი არ იყო ძალიან კარგი, მაგრამ მე ვფიქრობ რომ გულშემატკივარს შესანიშნავი ქამბექი შევთავაზეთ. ჩემი პირველი გოლი მეორე ტაიმში გავიტანე. მე ვიცოდი ეს ერთ დღეს მოხდებოდა და აი, ეს დღეც დადგა,"-აგრძელებს ესპანელი.

ფეხბურთელებს შედეგი მეტ მოტივაციას მისცემს "ბაიერნთან" თამაშის წინ:

"ძალიან მნიშვნელოვანი თამაში გველის. ეს "ჩემპიონთა ლიგის" მეოთხედ ფინალია. ჩვენ ძალიან აღელვებულნი ვართ და მოუთმენლად ველით ამ თამაშს და ვიმედოვნებთ, რომ კარგ შედეგს ვაჩვენებთ."

შეგახსენებთ, რომ პირელი თამაში "ოლდ ტრაფორდზე" გაიმართება.

ManUtd.com