დღეს "წითლებმა" დამაჯერებელი ანგარიშით დაამარცხეს სტუმრები და სამი ქულის მოპოვება შეძლეს. ეს თამაში იმითაც იყო განსაკუთრებული, რომ ხუან მატამ პირველი გოლის გატანა შეძლო. გარდა ამისა, მთელი სეზონისგან განსხვავებული იყო ფანების დამოკიდებულება მოიესის მიმართ, რის შესახებაც კომენტარი ჯერჯერობით მხოლოდ გარი ნევილმა გააკეთა.



უეინ რუნი: "შესანიშნავი გამარჯვება "ბაიერნთან" თამაშის წინ. ძალიან დიდი მადლობა მინდა გადავუხადო ყველა ფანს, რომლებიც როგორც ყოველთვის საოცარნი იყვნენ."



უეინი მატჩის საუკეთესო მოთამაშე გახდა, რაზედაც მცირედი კომენტარი გააკეთა:

"მოხარული ვარ იმით, რომ დღეს მატჩის საუკეთესო მოთამაშე გავხდი."



ფელაინი: "შესანიშნავი გამარჯვება საკუთარ მოედანზე ფანების წინ და მორიგი სამი ქულა!"


ჯონსი: "კარგია რომ შევძელით სამი ქულის მოპოვება სახლში და მინდა მივულოცო მატას, რომელმაც დღეს მისი პირველი გოლი გაიტანა "იუნაიტედის" მაისურით."



დავიდ დე ხეა: "ეს პირველია იმ მრავალ გოლს შორის, რომელსაც შენ "იუნაიტედის" ფორმით გაიტან. გილოცავ მეგობარო!"



ბიუტნერი: "კარგი გამარჯვება მოვიპოვეთ დღეს. ფანებიც როგორც ყოველთვის შესანიშნავნი იყვნენ."



მატა: "ყოველთვის მემახსოვრება ეს დღე! მადლობას გიხდით ასეთი მხარდაჭერისთვის!"



და ბოლოს გარი ნევილის კომენტარი:

"იუნაიტედის" ფანები მთელი სეზონის მანძილზე შესანიშნავნი იყვნენ გუნდისა და მენეჯერის მხარდაჭერაში, როდესაც ისინი მაინცდამაინც არ ბრწყინავდნენ. ამ ქმედებამ კი "მანჩესტერის" ყველა ფანს იმედი გაუცრუა."

"ფანების დღევანდელ პროტესტზე პროტესტის ნიშნად "იუნაიტედის" ყველა გულშემატკივარმა დევიდ მოიესის სახელი უნდა იმღეროს. ძალიან ცუდი საქციელი იყო!"