დღეს გაიმართა 18წლამდელთა პრემიერ ლიგის მატჩი, სადაც ერთმანეთს აონის სავარჯიშო კომპლექსზე ქერინგტონში დაუპირისპირდნენ "მანჩესტერ იუნაიტედი" და "ლონდონის ჩელსი". მატჩი ფრედ 1-1 დასრულდა.

მატჩი გახსნილი და ლაღი იყო. ტაიმის მიწურულს ანგარიში ახალგაზრდა "ჩელსის" ფეხბურთელმა ჯორდან ჰოუთონმა გახსნა და ლონდონელები დააწინაურა. მეორე ტაიმის დასაწყისში პოლ მაკგინესის შეგირდები აშკარად დომინირებდნენ, მათ ლურჯების კარში არაერთი დარტყმა შეასრულეს. ერთ-ერთი ასეთი დარტყმა წარმატებით დასრულდა და ჯო რაილიმ წონასწორობა სრულიად დამსახურებულად აღადგინა.

ამის შემდეგ თამაში თითქმის თანაბარი იყო, ლურჯებმაც "იუნაიტედის" კარის მიმართულებით არაერთი დარტყმა განახორციელეს, მაგრამ არცერთი წარმატებით არ დასრულებულა. მეორე ტაიმში ყველაზე რეალური მომენტი შეცვლაზე შემოსულ "იუნაიტედის" 21წლის ნახევარმცველ ჯოშ ჰაროპს ჰქონდა, მაგრამ ეს მომენტი მანაც ვერ გამოიყენა და ბურთი ძელს მოხვდა.

საბოლოოდ თამაში 1-1 დასრულდა.

გთავაზობთ შემადგენლობას:

ძირითადი: J.Pereira; Evans, McConnell, Ioannou, Barber; Riley, Goss, Willock, Harrop, Thompson; Fletcher.

სათადარიგო: Henderson, Borthwick-Jackson, Croskery, Rashford, Tuanzebe.