"ასტონ ვილასთან" 4:1 ანგარიშით გამარჯვების შემდეგ, "მანჩესტერ იუნაიტედის" თავკაცმა დევიდ მოიესმა დუბლის ავტორი უეინ რუნი შეაქო.
თავდაპირველად "იუნაიტედმა" 13-ე წუთზე არასასიამოვნო ბურთი მიიღო საკუთარ კარში, მაგრამ შემდეგ უეინ რუნის გოლის წყალობით "იუნაიტედმა" წონასწორობის აღდგენა შეძლო და ტაიმის დასაწყისში კი ინგლისელმა პენალტი კარგად შეასრულა და წითლები დააწინაურა. მეორე ტაიმი "იუნაიტედმა" კარგად დაიწყო და მეორე ნახევარშიც ორი გოლის გატანა შეძლო. საბოლოოდ "იუნაიტედმა" მეტოქე 4-1 დაამარცხა. მატჩის მოთამაშედ კი უეინ რუნი დასახელდა, რომელიც შემდეგ შოტლანდიელმა მწვრთნელმა შეაქო.
"უეინ რუნი ტოპ კლასის ფეხბურთელია. ის გუნდის ლიდერია. უეინი სეზონის დასაწყისიდან ფანტასტიურ ფეხბურთს აჩვენებს და ყველას აკვირვებს. იგი შესანიშნავ ფორმაშია, მან დღეს მატჩი ფანტასტიურ დონეზე ჩაატარა. დარწმუნებული ვარ, რომ ის ბაიერნთან თამაშს მაღალ დონეზე ჩაატარებს და გოლის გატანასაც შეძლებს."
"ჩვენი მეოთხე გოლი (ერნანდესის გოლი) ყველა ფეხბურთელისთვის შესანიშნავი მაგალითია. ხავიერმა კარგად დაარტყა და ლამაზი გოლიც გაიტანა. მე ასეთი გოლებით დამშვენებული მატჩები ძალიან მიყვარს."
გარდა ამისა მოიესმა "ბაიერნის" წინააღმდეგ მატჩზეც გააკეთა კომენტარი.
"მე ნამდვილად მოუთმენლად ველი ამ თამაშს. მე ჩემპიონთა ლიგის დასაწყისში ვფიქრობდი, რომ ჩემი ახალი გუნდი მერვედფინალამდე მაინც გამეყვანა, ჩვენ მეოთხედფინალში გავედით და ვუპირირისპირდებით ჩემპიონ გუნდს, მაგრამ ყველაფერს გავაკეთებთ, რათა შემდეგ ეტაპზე გავიდეთ. პირველი მატჩი ოლდ ტრაფორდზე გაიმართება. ეჭვიც არ მეპარება, რომ ეს სეზონის ერთ-ერთი საუკეთესო მატჩი იქნება, ჩვენ ინგლისში უპირატესობა გვაქვს და ამ უპირატესობას ბოლომდე გამოვიყენებთ."-დაასრულა მოიესმა