"მანჩესტერ იუნაიტედი" შეეცდება შეიძინოს ედისონ კავანი, რომელიც საფრანგეთში კმაყოფილი არ არის. ურუგვაელი ფორვარდი "პსჟ"_ს წინა წელს შეუერთდა, თუმცა პოზიციის გამოცვლა მოუხდა. ზლატან იბრაჰიმოვიჩის გამო იგი ფორვარდად ვერ თამაშობს, სწორედ ეს გახლავთ მისი უკმაყოფილების მიზეზი.

ცნობილი გამოცემა Metro წერს, რომ ედისონ კავანი ახალი კლუბის ძიებაშია და მისი მომდევნო გუნდი შესაძლოა "მანჩესტერ იუნაიტედი" იყოს. თუმცა, დევიდ მოიესს კონკურენციას "მანჩესტერ სიტი" გაუწევს, რომელსაც უდიდესი ფინანსები აქვს.

ინგლისური კლუბები ეცდებიან კავანი მსოფლიო ჩემპიონატის დაწყებამდე შეიძინონ, რადგან შემდეგში შესაძლოა მისი ფასი გაიზარდოს. "იუნაიტედს" გაუჭირდება ამ ტრანსფერის განხორციელება, მიზეზი კი ის გახლავთ, რომ "წითელი ეშმაკები" მომავალ წელს დიდი ალბათობით ლიგაზე ვერ იასპარეზებენ.

წყარო: www.sportsvibe.co.uk