დევიდ მოიესი დარწმუნებულია, რომ "მანჩესტერ იუნაიტედის" გულშემატკივრების უმეტესობა ჯერ კიდევ მის მხარესაა.

"ასტონ ვილასთან" გასამართ შაბათის შეხვედრაში ფანების ნაწილი აპირებს ეფექტური ბანერი გამოფინოს ცაზე თვითმფრინავების დახმარებით, რომელზეც იქნება წარწერა - "Wrong One - Moyes Out" - "მცდარი, მოიეს წადი!"

შოტლანდიელი სპეციალისტი კრიტიკას თავს არ არიდებს, მაგრამ დარწმუნებულია, რომ გულშემატკივართა უმეტესობა ჯერ კიდევ მისი მომხრეა.

"სადაც არ უნდა წავიდე "მანჩესტერ იუნაიტედის" ქომაგებისგან უდიდეს მხარდაჭერას ვიღებ. წუხელ ღამით ფლეთჩერის საქველმოქმედო საღამოს ვესწრებოდი და იქ მყოფმა "იუნაიტედის" ფანებმა მითხრეს:"მიდი, გააგრძელე წინსვლა, ზუსტად გვესმის თუ რა მდგომარეობაშია კლუბი."

"მათ არნახული მხარდაჭერა გამოავლინეს და ყოველ ჯერზე როცა მე "ოლდ ტრაფორდზე" გავდივარ, ისინი დიდებულები არიან. უდიდეს სხვაობას ვხედავ ამასა და იმას შორის, რასაც ხალხი ამბობს, მაგრამ მესმის, რომ შედეგებს თავისი მნიშვნელობა აქვს." - ციტირებს მოიესის სიტყვებს Sky Sports.

fapl.ru