"მანჩესტერ იუნაიტედის" ლეგენდა და ყოფილი კაპიტანი ბრაიან რობსონი მიიჩნევს, რომ კლუბის ამ სეზონში ევროპის ლიგის საგზურის მოსაპოვებლად იბრძოლებს.

"მანჩესტერ იუნაიტედს" ჩემპიონთა ლიგის ზონაში მოხვედრის თეორიული შანსი ჯერ კიდევ არ დაუკარგავს. "იუნაიტედმა" ლიგაზე მოსახვედრად პრემიერ ლიგა მეოთხე ადგილზე მაინც უნდა დაასრულოს, მაგრამ კონკურენცია დიდია, "იუნაიტედის" ფანების უმრავლესობა კი მიიჩნევს, რომ მანჩესტერულ კლუბს ჩემპიონთა ლიგაზე მოხვედრის შანსი არ გააჩნია და გუნდმა ყველაფერი უნდა გააკეთოს, რათა ევროპის ლიგაზე მაინც მოხვდეს.

მიუხედავად ამისა, რომ ევროპის ლიგა ევროპაში მეორე კონკურსია, მას ჩემპიონთა ლიგაზე მეტი პრესტიჟი არ გააჩნია. ასევე ევროპის ლიგის გამარჯვებული გუნდი, ჩემპიონთა ლიგის ჯგუფურ ეტაპზე გასულ გუნდზე ნაკლებ ანაზღაურებას მიიღებს. ამიტომ ბევრი ფიქრობს, რომ ევროპის ლიგაზე მონაწილეობას აზრიც არ აქვს, მაგრამ ბრაიან რობსონი ამ აზრის საწინააღმდეგოდ გამოდის.

"ჩემი აზრით, ხალხი მართალი არ არის, როდესაც ევროპის ლიგა კარგ ტურნირად არ მიაჩნიათ და ჩემპიონთა ლიგასაც კი არ ადარებენ. როდესაც გუნდი ევროპის პრესტიჟულ ჩემპიონატში ჩემპიონთა ლიგაზე მრავალი წლის განმავლობაში მუდამ თამაშობს, ხალხი ამას ეჩვევა და მათ არ უნდათ, რომ მათმა გუნდმა სხვა ევროპულ ჩემპიონატში მონაწილეობა მიიღოს. ამ სეზონში იუნაიტედს მცირე ჩავარდნები აქვს და ასეთ დროს მნიშნველობა არ აქვს გუნდი რომელ ჩემპიონატში ითამაშებს."

"ევროპის ლიგა ძალიან კარგი ტურნირია. არასოდეს დამავიწყდება 1991 წელს მატჩი ბარსელონას წინააღმდეგ, სადაც ჩვენ გამარჯვება მოვიპოვეთ და თასების მფლობელთა თასს დავეუფლეთ. ეს ფანტასტიური საღამო იყო."

"ევროპის ლიგა ჩემპიონთა ლიგაზე პრესტიჟული არ არის, მაგრამ ეს ძალიან მნიშნველოვანი ტურნირია, სადაც ერთმანეთს მსოფლიო დონის გუნდები უპირისპირდებიან. მე ფეხბურთელი ვარ და ყველა ევროპულ ტურნირზე თამაშის გამოცდილება მაქვს და ვიცი, რომ ევროპის ლიგის გამარჯვება იუნაიტედს დიდ წარმატებას მოუტანს."

ManuTd.ru