"იუნაიტედმა" კიდევ ერთი მატჩი დათმო საკუთარ სტადიონზე, კიდევ ერთი სამარცხვინო მატჩი ოლდ ტრაფორდზე და კიდევ ერთი დაკარგული 3 ქულა ღირსეული გულშემატკივრის წინაშე.
როგორც თავიდანვე იყო ცნობილი აქ გამარჯვება ყველაზე მეტად "სიტის" ჭირდებოდა, რადგან "იუნაიტედი" ფაქტიურად პრემიერ ლიგაში უმოტივაციოდ არის დარჩენილი, თუმცა ისეთი თამაშები როგორიც არის "სიტისთან", "ჩელსისთან", "ლივერპულთან" და ა.შ, უბრალოდ ვერ იქნება უმოტივაციოდ ჩასატარებელ მატჩებს შორის ! და საერთოდ "იუნაიტედი" რა პოზიციაზეც არ უნდა იყოს, რა უმოტივაციოც არ უნდა იყოს, ოლდ ტრაფორდზე შეკრებილი 70,000 ფანზე მეტი ყოველთვის ითხოვს გამარჯვებას და იქ შეკრებილი საზოგადოება, თუ გულშემატკივარი საყვარელი კლუბისგან მუდმივად გამარჯვებას მოითხოვს, ნებისმიერ მეტოქესთან, ეს ასეა და მუდამ ასე იქნება. ახლა კი შემოგთავაზებთ, 5 რამეს, რაც "სიტისთან" მატჩში ვისწავლეთ/შევიტყვეთ.

#1: "სიტი" უბრალოდ ძლიერია "იუნაიტედზე" და ეს ფაქტია.



"სიტის" თამაში სამშაბათს გაცილებით უფრო საინტერესო იყო საყურებლად ვიდრე "იუნაიტედის". "მანჩესტერ სიტიმ" ძალიან მარტივად პირველივე წუთზე შექმნა სახიფათო მომენტი და გაიტანა გოლი, ამის შემდეგ ბურთი "იუნაიტედს" ეჭირა, თუმცა რეალური მომენტები ნაკლებად იქმნებოდა. მეორე ტაიმიც ანალოგიურად დაიწყო, ეჭირათ ბურთი წითლებს, მაგრამ იტანდნენ ლურჯები, თუ ცისფრები რა აზრი აქვს. 56-ე წუთზე ჯეკომ ფაქტიურად ყველაფერი გადაწყვიტა, თუმცა საბოლოო წერტილი ტურემ დასვა მატჩში 90-ე წუთზე, ანგარიში კი 0-3. "სიტიმ" მორიგი მარტივი მატჩი ჩაატარა, არ გაუშვა გოლი, პელეგრინის დავალებით კლუბმა ბურთის კონტროლი მოწინააღმდეგეს დაუთმო, თუმცა მოიესის შეგირდებმა ოლდ ტრაფორდზე "სიტის" კარში ბურთის გატანა ვერ მოახერხეს.

#2: მატას შეუძლია იყოს "იუნაიტედის" სილვა.



თუ სამშაბათის თამაშს უყურა ვისენტე დელ ბოსკემ ის აუცილებლად წაიყვას მატას მსოფლიოს ჩემპიონატზე. მატას შეუძლია იყოს "იუნაიტედის" სილვა, თუმცა სილვას შეუძლია იამაყოს პარტნიორებით(მწვრთვნელითაც). არის მეორე მხარეც, მატა გადმოვიდა "იუნაიტედში" იმ მიზნით, რომ ეთამაშა უფრო მეტი თამაში და უკეთესი გაეხადა ამ კლუბის თამაში. თუმცა ჯერ-ჯერობით ეს ასე არ არის. მომავალში შესაძლებელია ესპანელი "იუნაიტედის" ლიდერიც კი გახდეს, თუმცა მსოფლიოს ჩემპიონატი კარზეა მომდგარი და მატას მართებს უფრო მაღალ დონეზე თამაში. "ის ხომ ვარსკვლავებით სავსე ესპანეთის ნაკრებში უნდა გამოიძახონ."
მატას ჰქონდა რამდენიმე მომენტი "სიტისთან", თუნდაც პირველი ტაიმის მიწურულს, თუმცა მან ვერ გაიტანა. ესპანელი უნდა გააქტიურდეს, გაიტანოს გოლები, გააკეთოს ასისტები, რომ მისი მოხვედრა ნაკრებში კითხვის ნიშნის ქვეშ არ დადგეს.

#3: რუნი ნამდვილი კაპიტანია !



ნაკლებად შეიძლება 0-3ის წაგების შემდეგ ვინმეს გამორჩევა წაგებული გუნდიდან, თუმცა მაინც ყველაზე მეტად უეინ რუნი არ იყო ღირსი ამ წაგების. მიუხედავად იმისა, რომ ის ნომინალურად ფორვარდი იყო, მაინც უხდებოდა უკან ჩასვლა, ბურთის წამოღება, ართმევა, იყო ფეხებში ვარდნაც, მოკლედ რომ ვთქვათ რუნი უფრო მეტად ნახევარმცველის საქმიანობით იყო დაკავებული, ვიდრე წინ წასვლით.
რუნისაც ჰქონდა რამდენიმე მომეტი რა თქმა უნდა, თუმცა მან ვერ გამოიყენა. სხვათაშორის რუნის ყველაზე მეტი გოლი აქვს მანჩესტერულ დერბიში გატანილი, ვიდრე ნებისმიერ სხვა მოთამაშეს.
რუნი ნამდვილი კაპიტანია, ის ლიდერია გუნდის და ზაფხულში ვიდიჩის დატოვების შემდეგ აუცილებლად მას უნდა გადასცენ კაპიტნის სამკლაური, თუნდაც პატრის ევრა გუნდში დარჩეს.

#4: "იუნაიტედს" ფერნანდინიო ჭირდება.



ნახევარდაცვაში, რომ პრობლემების მთელი დასტაა ამაზე საუბარს აღარ დავიწყებ, რა თქმა უნდა. თუმცა, ფაქტია რომ "იუნაიტედს" ჭირდება ფერნანდინიო, ან მსგავსი ტიპი ნახევარმცველი. ფელაინი არც ისეთი ცუდი იყო სამშაბათს, მის გასვლას ცოტა ირონიული შეძახილებიც მოჰყვა "Stenford End" -დან. კლევერლიზე საუბარს აზრი არ აქვს, მოიესი მალევე მიხვდა, რომ ის შესაცვლელი იყო და შეცვალა კიდევაც მეორე ტაიმის დასაწყისში.
მოკლედ, რომ ვთქვათ ფერნანდინიო უფრო მეტად ეფექტური იყო, ვიდრე ნებისმიერი "იუნაიტედის" ნახევარმცველი, სწორედ ამიტომ "წითელმა ეშმაკებმა" უნდა იყიდონ მისი მსგავსი ნახევარმცველი. ოღონდ არა იმ ფასად, რა ფასადაც "სიტიმ" შეიძინა 28 წლის ფეხბურთელი, შეგახსენებთ რომ ის ამ სეზონში გადაბარგდა მანჩესტერულ კლუბში 40 მილიონ ევროდ, უკრაინული "შახტარიდან".

#5: მოიესი მოსიარულე გვამია ოლდ ტრაფორდზე.



"მოსიარულე გვამი" რა თქმა უნდა გადატანითი მნიშვნელობით, თუმცა ის გულშემატკივარი, რომ მიეშვათ მოიესთან დერბის დროს ნამდვილად გვამი იქნებოდა და ზოგადად, მისი ყოფნა არ ყოფნის საკითხიც "იუნაიტედში" კითხვის ნიშნის ქვეშ რჩება.
მოიესმა წააგო 2 მატჩი სახლში, ოლდ ტრაფორდზე ერთი და იგივე ანგარიშით 0-3, ერთი და იგივე მნიშვნელობის თამაში და ცნობისთვის, ტოპ 3 გუნდთან მოიესმა 6 მატჩი ჩაატარა, ვერცერთი ვერ მოიგო, ითამაშა ერთი ფრე და 5 წააგო. მთლიან ტოპ 9 გუნდში მოიესმა ითამაშა 15 მატჩი, მოიგო 2 წააგო 9 და 4-იც ფრედ დაასრულა. საკმაოდ კარგი შედეგი იქნებოდა ახლად გადმოსული გუნდისთვის პრემიერ ლიგაში, თუმცა არა "იუნაიტედისთვის".
ამიტომ, უკვე ყველა დარწმუნებულია, რომ შოტლანდიელ სპეციალისტს, გლეიზერების ოჯახი, მეორე შანსს აღარ მისცემს.

წყარო: "Bleacher"