პორტუგალიის ეროვნული ნაკრების მწვრთნელმა პაულო ბენტუმ ნაკრების ერთ-ერთ ლიდერზე, ლუიშ ნანიზე ისაუბრა. "ნანი ბრწყინვალე ფეხბურთელია. როდესაც პირველად შევხვდი მაშინვე მივხვდი რომ ის გამორჩეული იყო თავისი ნიჭითა და შესაძლებლობებით.
მისთვის 2-3 კაცის მოტყუება არაფერია და მიხარია რომ ასეთი ფეხბურთელი გუნდში მყავს. არ ვფიქრობ რომ კლუბში მას ცუდად აქვს საქმე, თუმცა ალბათ ყველა ხვდება რომ მას არ აქვს სათამაშო პრაქტიკა, რომელსაც ასეთი დონის ფეხბურთელი ნამდვილად უნდა ღებულობდეს.
ტრავმის გამო მას დიდი დრო გაუცდა თუმცა არამგონია ამან მის მომავალ თამაშებზე დიდი გავლენა მოახდინოს. ის დაჯილდოებულია საოცარი ნიჭით და ნამდვილად უნდა გამოიყენოს ის.
ბევრი ამბობს რომ ნანის ფორმაზე იქნება დამოკიდებული მსოფლიოზე თამაში. რა თქმა უნდა ეს ასეა თუმცა ასეთი დონის ფეხბურთელი მსოფლიოს მიღმა არ უნდა დარჩეს.
კლუბში უფრო მეტი შანსი რომ მიეცათ დარწმუნებული ვარ ის კიდევ ერთხელ დაამტკიცებდა რასაც მე ახლა აქ ვამბობ."- დაასრულა ბენტუმ.