"მანჩესტერ იუნაიტედის" დირექტორმა, სერ ბობი ჩარლტონმა მხარი დაუჭირა დევიდ მოიესს.
ESPN-ის ცნობით, "იუნაიტედის" ზოგიერთ ხელმძღვანელს ეჭვი ეპარება სერ ალექსის მემკვიდრეში. თავად ფერგიუსონიც დიდი ხანია არ გამოსულა სახალხოდ მოიესის მხარდასაჭერად.
თუმცა, "მანჩესტერ იუნაიტედის" რეკორდსმენი, ახლა კი დირექტორი დევიდ მოიესს ისევ "სწორად შერჩეულად" მიიჩნევს. ეს განცხადება ჩარლტონმა დერბის წინ გააკეთა.
"ჩვენი წარუმატებლობა არ ნიშნავს, რომ ჩვენ რამის შეცვლას ვაპირებთ. მე ჯერ კიდევ მიმაჩნია, რომ ჩვენ სწორი ადამიანი შევარჩიეთ"
"ყველაფერს ვაკეთებთ, რათა დავრწმუნდეთ, რომ "სიტისთან" თამაშის ძალა გვაქვს. თუ ამას მოვახერხებთ, ეს დიდებული იქნება, ამით წინ ნაბიჯს გადავდგამთ. ჩვენ ხომ ყოველთვის გვაკრიტიკებდნენ, მაგრამ მე არასოდეს შემპარვია ეჭვი "მანჩესტერ იუნაიტედში" - აცხადებს ჩარლტონი.