25-03-2014, 16:01

ავტორი: UTD-Rule,

ნანახია: 2241,

კომენტარები: 6

ბებე იმედს არ კარგავს

ბებეს იმედი აქვს,რომ ის კვლავ დაიცავს "მანჩესტერ იუნაიტედის" ღირსებას.

23 წლის პორტუგალიელი ნახევარმცველი ბებე,რომელიც ამჟამად იჯარის წესით "პასუშ დე ფერეირაში" ირიცხება კვლავ არ კარგავს იმის იმედს,რომ სულ მალე ის ისევ მოირგებს "მანჩესტერ იუნაიტედის" მაისურს.მიმდინარე სეზონში ბებემ პორტუგალიურ გუნდში 31 მატჩი ჩაატარა და 9 გოლის გატანა მოახერხა.

"მე მაინც არ ვკარგავ იმის იმედს,რომ კვლავ დავბრუნდები "მანჩესტერ იუნაიტედში",მაგრამ ჯერ-ჯერობით არავინ დამკავშირებია ამის თაობაზე.ამ მომენტში მე ძალიან კარგ ფორმაში ვარ და იმედია ისევ მივიქცევ კლუბის ხელმძღვანელობის ყურადღებას" - განაცხადა პორტუგალიელმა.

პორტუგალიის ლიგის ბოლო ტურში "ფერეირა" საკუთარ მოედაზე "აროუკას" დაუპირისპირდა.ამ მატჩში სრული 90 წუთი ითამაშა ბებემ და ორი გოლის გატანა მოახერხა.აღსანიშნავია,რომ ბებემ ამ მატჩში ძალიან ლამაზი და ეფექტური გოლის გატანა მოახერხა.