"მანჩესტერ იუნაიტედის" მთავარმა მწვრთნელმა დევიდ მოიესმა თავისი გუნდისა და "მანჩესტერ სიტის" ნახევარდაცვაზე ისაუბრა.როდესაც დღევანდელი მატჩის წინასამატჩო პრესკონფერენციაზე შოტლანდიელ სპეციალისტ სხოვეს ესაუბრა ორივე გუნდის ნახევარდაცვაზე მოიესმა განაცხადა,რომ ის მარუან ფელაინის გოლს ელოდება.
მიმდინარე სეზონში "მანჩესტერ იუნაიტედის" ცენტრალური ნახევარმცველების ანგარიშზე მხოლოდ 2 ბურთია ტომ ქლევერლისა და მაიკლ კერიკის ანგარიშზე,ხოლო შინჯი კაგავას,ხუან მატას,დარენ ფლეტჩერს და რაიან გიგზს ჯერ არ აქვთ გოლი ჩაწერილი პირად აქტივში.ეს პრობლემა კი არ უდგას "მანჩესტერ სიტის",სადაც მარტო იაია ტურეს აქვს 16 გოლი გატანილი მიმდინარე პრემიერ ლიგაში.
"ჩვენ უნდა გვახსოვდეს,რომ "მანჩესტერ სიტის" შესანიშნავი ნახევარდაცვა ყავს.მათ დროის ნებისმიერ შუალედში შეუძლიათ გოლის გატანა.ყველა გუნდისთვის მნიშვნელოვანია ისეთი ნახევარდაცვის ყოლა,რომელსაც შეუძლია როგორც საგოლე გადაცემების კეთება ასევე გოლების გატანა"
"ვიმედოვნებ,რომ მარუან ფელაინი მალე გაიტანს მის სადებიუტო გოლს ჩვენი გუნდის რიგებში.მას შეეძლო ამის გაკეთება "ვესტ ჰემთან" მატჩში,როდესაც მისი თავური დარტყმა ენდი კეროლმა მოიგერია ფეხით.ბოლო მატჩი ის აქტიურად ერთვებოდა შეტევებში,რაც დიდ პრობლემას უქმნიდა მეტოქის მცველებს.მე ნამდვილად ვეთანხმები იმ აზრს,რომ "მანჩესტერ სიტის" ძლიერი ნახევარდაცვა ყავს,მაგრამ ჩვენს ფეხბურთელებს შეუძლიათ ნებისმიერი ბარიერი გადალახონ."- დაასრულა მოიესმა.