"მანჩესტერ იუნაიტედის" შემტევმა ნახევარმცველმა ლუიშ ნანიმ თავის მდგომარეობაზე გულახდილად ისაუბრა. "დერბი ალბათ ყველაზე მნიშვნელოვანი მატჩია.
ბევრი ამბობს რომ ჩვენ ამ მატჩს მოტივაციის გარეშე ვხვდებით თუმცა ეს ასე არაა.
ჩვენ ყოველთვის მოტივირებულები ვართ და მზად ვართ ბოლომდე დავიხარჯოთ. "სიტის" კარგი გუნდი ჰყავს და მათთან თამაში ყოველთვის რთულია მაგრამ ჩვენი სახელი და სტატუსი არ გვაძლევს იმის უფლებას, რომ ვინმეს რამე დავუთმოთ.
ნანიმ ასევე მის მდგომარეობაზე ისაუბრა:
"ვწუხვარ, რომ ამ სეზონში ვერ მოვახერხე იმის ჩვენება, რაც ნამდვილად შემიძლია. ვიცი, რომ გულშემატკივრები არ არიან კმაყოფილნი ჩემით და ამის გამო ძალიან ვწუხვარ. ტრავმებმა არ მომცა ნორმალურად თამაშის საშუალება.
არ ვიცი რა მოხდება ზაფხულში და წავალ თუ არა სხვა კლუბში, თუმცა მე ერთი ვიცი, მზად ვარ ნებისმიერ დროს გამოვიდე და ჩემს კლუბს დავეხმარო.
"იუნაიტედი" ჩემი სახლია." - დაასრულა ლუიშმა.
შეგახსენებთ, რომ მუხლის ტრავმის გამო ნანის 2 თვე გაუცდა. ახლა ის მზადაა და შესაძლოა ხვალ დერბიშიც ვიხილოთ.