"მანჩესტერ იუნაიტედის" ოფიციალურ საიტზე მატა ორშაბათობით საკუთარ ბლოგში გვიზიარებს შთაბეჭდილებებს.

"ალბათ უკვე მიხვდით, რომ ამ სტრიქონებს ძალიან კარგ ხასიათზე მყოფი ვწერ. ხასიათი კი ბოლო მატჩებში მოპოვებულმა გამარჯვებებმა გამომიკეთა. ჩვენ მივაღწიეთ გამარჯვებებს, რომელიც მორალურად გაგვაძლიერებს მომდევნო მატჩებისთვის."

"ეს ფეხბურთია და ასე თუ ისე გამარჯვებას ზეიმობ, მარცხს კი განიცდი. ამ საკითხში კი ყველაზე მთავარი ისაა, თუ როგორ რეაგირებთ - რჩებით თუ არა მორალურად ძლიერი და სამუშაოზე კონცენტრირებული. ახლა ჩვენთვის პრემიერ-ლიგის ყოველი მატჩი უკანაკსნელივითაა."

"წინა ბლოგში ვსუბრობდი კლუბის ფესვებზე, მის ბრძოლისუნარიანობაზე. როგორი გახარებული ვიყავი როცა ყველაფერი ეს "ოლიმპიაკოსთან" მატჩში აჩვენეს! აი მაშინ გავიგე ხალხის სიტყვების შინაარსი, რომლებიც მიყვებოდნენ "ოლდ ტრაფორდზე" არსებული ატმოსფეროს შესახებ."

"კენჭისყრის შედეგების მიხედვით "ბაიერნი" შეგვხვდა. რა თქმა უნდა მეხსიერებაში მაშინვე 1999 წლის დაუვიწყარი ფინალი ჩნდება. ჩვენ რაიან გიგსს უნდა გავესაუბროთ და დავადგინოთ, თუ როგორ დავამარცხეთ იმ ღამით გერმანელები. თუ გავითვალისწინებთ მიუხენელთა მიმდინარე სათამაშო ფორმას, ურთულესი შეხვედრები გველის. მაგრამ ჩვენს ყველაფერს გავაკეთებთ, რათა მათ გავცდეთ."

"გასული კვირა ჩვენთვის "ვესთ ჰემთან" მოპოვებული გამარჯვებით დასრულდა. განსაკუთრებით აღსანიშნავია ეს მატჩი იმ მხრივ, რომ რუნიმ თითქმის მოედნის შუა ნაწილიდან გაიტანა გოლი. ვფიქრობ იმ ეპიზოდში ერთადერთი სწორი გამოსავალი იპოვა."

"გუნდი დარწმუნებულია თავის ძალებში და ემოციურ აღმართზე იმყოფება. წინ ურთულესი და ამავდროულად ძალზედ მიმზიდველი დავალება გვაქვს - დავამარცხოთ "სიტი". ეს ჩემს კარიერაში პირველი მანჩესტერული დერბი იქნება, რომელსაც მოუთმენლად ველოდები."

redevils.ru