ნემანია ვიდიჩისა და პატრის ევრას არყოფნაში, გასულ მატჩში კაპიტნის სამკლაური უეინ რუნიმ მოირგო. ამ უკანასკნელმა აგრეთვე თავის გამოჩენა სხვა მხრივაც მოახერხა და ულამაზესი გოლი გაიტანა "ვესთ ჰემის" კარში მოედნიც ცენტრიდან. მეორე გოლი კი მცველების შეცდომას მოჰყვა და რუნიმ დუბლის გაფორმება შეძლო.
გასულ ზაფხულს იყო საუბრები, რომ ინლისელი ფორვარდი გუნდს დატოვებდა, თუმცა ახალმა, ხუთწლიანმა კონტრაქტმა ყველანაირ ჭორებს ბოლო მოუღო და რუნი ისევ გუნდის ლიდერად რჩება.
"რუნი სამაგალითო ფეხბურთელია მთელი სეზონის განმავლობაში." აცხადებს მოიესი უეინ რუნის შესახებ. "კაპიტნის სამკლაურის ტარება, ალბათ კიდევ უფრო მეტ სიამაყეს მატებს ადამიანს. მას უნდა რომ ეს პასუხილმგებლობა აიღოს და ვფიქრობ, რომ ყველას უყვარს პასუხისმგებლიანი ფეხბურთელები. სწორედ ეს არის მიზეზი ასეთ ფეხბურთელებზე ლაპარაკისა."
"რუნიმ ორი გოლი გაიტანა "ვესთ ჰემის" წინააღმდეგ და ესეც ერთ-ერთი მიზეზია, იმისა რომ მისნაირ ფეხბურთელებზე გაცილებით მეტს ლაპარაკობენ, ვიდრე ბევრ სხვა დანარჩენზე."
მოიესმა მაინცა არ გატეხა სიტყვა და აცხადებს, რომ ახალ კაპიტანს სეზონის ბოლომდე არავინ აირჩევს, მაგრამ რუნიმ უკვე გამოთქვა სურვილი, რომ გაუძღვეს კლუბს და ეროვნულ ნაკრებს.
"ფეხბურთში შანსი გეძლევა. მაშინაც კი, როდესაც არ ხარ გუნდის ნაწილი, მოულოდნელად შანსი გეძლევა." აგრძელებს მოიესი."თუ შენ გუნდის საკვანძო ფეხბურთელი ხარ, გაქვს შანსი რომ კაპიტანი გახდე. რუნის ეს შანსი "ვესთ ჰემის" წინააღმდეგ მიეცა და მან კარგადაც გამოიყენა. მე უკვე ვთქვი, რომ სეზონის დასრულებამდე არავითარი გადაწყვეტილება არ იქნება მიღებული ამ თემასთან დაკავშირებით, მაგრამ რიო ფერდინანდის, პატრის ევრას და ნემანია ვიდიჩის არყოფნაში ჩვენ გადავწყიტეთ, რომ სამკლაური რუნისთვის ჩაგვებარებინა. რუნიმ მოირგო ეს უკანასკნელი და წარმატებით შეასრულა თავისი სამუშაო."
"ვესთ ჰემთან" გამარჯვებამ და "ოლიმპიაკოსის" ბარიერის გადალახვამ, წითელ ეშმაკებს თავდაჯერებულობა შემატა და ისინი მოუთმენლად ელიან სამშაბათს გასამართ მანჩესტერულ დერბის.
"ჩვენი თამაშის ხარისხი ნელ-ნელა პროგრესს განიცდის და თუ ხვალ ისეთივე შემართებით წარვსდგებით "სიტის" წინააღმდეგ, ჩვენ შანსები გვექნება. ხოლო, თუ ისეთივე სიმამაცეს ვაჩვენებთ, როგორც "ოლიმპიაკოსთან" მატჩის დროს იყო, მეტოქეს ჩვენს წინააღდეგ თამაში გაუჭირდება და უპირატესობა ჩვენსკენ იქნება" დაასრულა მოიესმა.